The news is by your side.

Advertisement

سعودی ولی عہد اور امریکی وزیرخارجہ کے درمیان رابطہ، ایران تنازعے پر گفتگو

ریاض: سعودی ولی عہد شہزادہ محمد بن سلمان اور امریکی وزیرخارجہ مائیک پومپیو کے درمیان ٹیلی فونک رابطہ ہوا اس دوران ایران تنازعے پر تبادلہ خیال کیا گیا۔

تفصیلات کے مطابق سعودی ولی شہزادہ محمد اور مائیک پومپیو کا علاقائی صورتحال پربات چیت ہوئی، دونوں رہنماﺅں کے درمیان سیکیورٹی اور استحکام کو مضبوط بنانے سے متعلق کوششوں پر تبادلہ خیال کیا گیا۔

غیر ملکی خبر رساں ادارے کا کہنا ہے کہ سعودی عرب کے ولی عہد شہزادہ محمد بن سلمان نے امریکی وزیر خارجہ مائیک پومپیو کے ساتھ ٹیلی فون پر علاقائی صورت حال بشمول سیکیورٹی اور استحکام کو مضبوط بنانے سے متعلق کوششوں پر تبادلہ خیال کیا ہے۔

اس امر کا اعلان اتوار کے روز سعودی وزارت اطلاعات نے ایک ٹویٹ پیغام میں کیا۔ یہ اعلان سعودی عرب کے فرمانروا شاہ سلمان بن عبدالعزیز کی جانب سے خلیجی اور عرب ملکوں کے سربراہوں کو مکہ میں ایک ہنگامی اجلاس میں شرکت کی دعوت کے چند گھنٹوں بعد سامنے آیا۔

ممکنہ ہنگامی اجلاس میں خادم الحرمین الشریفین نے خلیجی اور عرب قیادت کو مملکت اور متحدہ عرب امارات میں ہونے والے حالیہ حملوں پر تبادلہ خیال کیا جائے گا۔

خلیج ممالک اور پورا مشرق وسطیٰ اس وقت سخت کشیدگی کی لپیٹ میں ہے، امریکا اور ایران کے درمیان جاری کشیدگی نے خطے میں ایک نئی جنگ کی کیفیت پیدا کردی ہے۔

شاہ سلمان نے خلیج کونسل اور عرب لیگ کے ہنگامی اجلاس طلب کرلیے

یاد رہے کہ چند روز قبل متحدہ عرب امارات کی الفجیرہ بندرگاہ کے قریب دو سعودی، ایک اماراتی اور ایک نارویجن بحری جہاز پر حملے کیے گئے تھے، اس کے بعد سعودی عرب میں تیل پائپ لائنوں کو اڑانے کے لیے ڈرون سے حملہ کیا گیا تھا۔

Comments

comments

یہ بھی پڑھیں