site
stats
کھیل

محمد حفیظ کا بولنگ ایکشن درست قرار

لندن : آئی سی سی کی جانب سے پاکستانی اوپنر بیٹسمین اور اسپین بولر محمد حفیظ کے بولنگ ایکشن کو درست قرار دے دیا گیا ہے۔

تفصیلات کے مطابق پاکستان کے سابق کپتان اور آل راؤنڈر محمد حفیظ کی بولنگ ایکشن ٹیسٹ کلیئر کر لیا ہے جس کے بعد آئی سی سی نے محمد حفیظ کے بولنگ ایکشن کو قوانین کے مطابق درست قرار دے کر آئندہ میچوں میں بولنگ کرنے کی اجازت دے دی ہے۔

واضح رہے کہ آئی سی سی کی جانب سے محمد حفیظ کے بولنگ ایکشن کو مشکوک قرار دیتے ہوئے گزشتہ سال جولائی کے مہینے میں پابندی عائد کردی گئی تھی جس کے بعد محمد حفیظ نے اپنے بولنگ ایکشن کو درست کرنے کے لیے مشقوں کا آغاز کردیا تھا۔

بولنگ ایکشن کی تبدیلی کے بعد محمد حفیظ کو دو مرتبہ آئی سی سی بولنگ ایکشن ٹیسٹ کے مرحلے سے گذرنا پڑا جس کے بعد اب ان کے ایکشن کو درست قرار دے دیا گیا ہے۔

اے آر وائی نیوز کے اسپورٹ رپورٹر شاہد ہاشمی نے محمد حفیظ کے بولنگ ایکشن کو درست قرار دیے جانے کو پاکستانی کرکٹ ٹیم کے لیے خوش آئند قرار دیتے ہوئے کہا کہ سعید اجمل کی غیر موجودگی کی وجہ سے جو خلاء پیدا ہو گیا تھا وہ محمد حفیظ پوری کر سکتے ہیں جب کہ ان کو بلے بازی کا بھی ایڈوانٹیج حاصل ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top