سابق کپتان محمد حفیظ نے پیشگوئی کی ہے کہ پاکستان ٹیم ورلڈ کپ میں شرکت کرے گی یا نہیں۔
پاکستان کے سابق کپتان محمد حفیظ نے اس بارے میں اپنی رائے کا اظہار کیا ہے کہ قومی ٹیم کو 7 فروری سے 8 مارچ تک بھارت اور سری لنکا میں شیڈول ٹی 20 ورلڈ کپ میں شرکت کرنی چاہیے۔
سوشل میڈیا پلیٹ فارم ایکس پر حفیظ نے پی سی بی پر زور دیا کہ وہ گرین شرٹس کو ٹورنامنٹ میں بھیجے۔
انہوں نے پی سی بی کو مخاطب کرتے ہوئے لکھا کہ ’پاکستان کو ورلڈ کپ میں شرکت کرنی چاہیے۔‘
یہ پڑھیں: پاکستان کا ٹی 20 ورلڈ کپ میں شرکت کا فیصلہ کب ہوگا؟
علاوہ ازیں پی سی بی چیئرمین محسن نقوی نے تصدیق کی ہے کہ پاکستان کی ورلڈ کپ میں شرکت کا حتمی فیصلہ جمعہ یا پیر کو ہوگا۔
Pakistan should participate in World Cup 2026. @TheRealPCB
— Mohammad Hafeez (@MHafeez22) January 25, 2026
واضح رہے کہ آئی سی سی نے بنگلادیش کے انکار کے بعد اسکاٹ لینڈ کو ٹی 20 ورلڈ کپ میں شامل کیا ہے۔
بنگلادیش نے بھارت میں ورلڈ کپ کے میچز کھیلنے سے انکار کردیا تھا، بی سی سی آئی نے حکومتی دباؤ پر آئی پی ایل فرنچائز کولکتہ نائٹ رائیڈر سے فاسٹ بولر مستفیض الرحمان کو باہر کروادیا تھا۔
آئی سی سی نے بالآخر بنگلہ دیش کی درخواست کو مسترد کر دیا اور 24 گھنٹے کا الٹی میٹم جاری کرتے ہوئے اصل شیڈول برقرار رکھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں