The news is by your side.

Advertisement

ٹیم سے ڈراپ کیے جانے پر حفیظ بول پڑے

کراچی: قومی ٹیم کے آل راؤنڈر محمد حفیظ نے جنوبی افریقہ کے خلاف ٹی ٹوینٹی سیریز سے ڈراپ کیے جانے پر اپنا ردعمل دے دیا۔

تفصیلات کے مطابق قومی کرکٹر محمد حفیظ نے سماجی رابطے کی ویب سائٹ ٹویٹر پر اپنے ردعمل میں قرآن کی آیت کا حوالہ دیا جس کا مفہوم کچھ یوں ہے، اللہ صبر کرنے والوں کے ساتھ ہے۔

محمد حفیظ نے سوشل میڈیا پر تاثرات کا اظہار کرتے ہوئے ٹی ٹوینٹی اسکواڈ کی پوسٹ بھی شیئر کی۔

واضح رہے کہ نیوزی لینڈ کے خلاف شاندار کارکردگی دکھانے کے باوجود محمد حفیظ جنوبی افریقہ کے خلاف ٹی ٹوینٹی سرییز سے باہر ہوگئے۔

چیف سلیکٹر محمد وسیم کا کہنا تھا کہ آصف علی تین فروری کو دستیاب ہوں گے، محمد حفیظ دستیاب نہیں ہیں۔

چیف سلیکٹر کا کہنا تھا کہ حفیظ کی فارم پر شک نہیں، وہ بائیو سیکیور ببل کے لیے دستیاب ہوتے تو ٹیم میں ہوتے۔

واضح رہے کہ پاکستان اور جنوبی افریقہ کے درمیان 11، 13 اور 14 فروری کو تین ٹی ٹوینٹی میچز کھیلے جائیں گے۔

Comments

یہ بھی پڑھیں