The news is by your side.

Advertisement

آئی سی سی پر تنقید، محمد حفیظ نے پی سی بی کے شوکاز نوٹس کا جواب جمع کرادیا

لاہور: قومی کرکٹ ٹیم کے آل راؤنڈر محمد حفیظ نے آئی سی سی قوانین پر تنقید کے حوالے سے پی سی بی کے شوکاز نوٹس کا جواب جمع کروادیا۔

تفصیلات کے مطابق آل راؤنڈر محمد حفیظ نے پی سی کے شوکاز نوٹس کا جواب دیتے ہوئے موقف اپنایا ہے کہ انٹرویو میں آئی سی سی کو تنقید کا نشانہ نہیں بنایا بلکہ غلط فہمی کی وجہ سے یہ صورتحال پیدا ہوئی۔

محمد حفیظ نے کہا کہ میرے انٹرویو کو سیاق و سباق سے ہٹ کر شائع کیا گیا اور مخصوص حصے کو اجاگر کیا گیا جس میں ایسا لگا کہ میں نے آئی سی سی پر تنقید کی ہے، میں نے تکنیکی نقطے پر بات کی تھی تنقید نہیں کی۔

مزید پڑھیں: آئی سی سی کے خلاف بیان، پی سی بی نے حفیظ کو نوٹس جاری کردیا

واضح رہے کہ پی سی بی نے آئی سی سی کو تنقید کا نشانہ بنانے پر محمد حفیظ کو شوکاز نوٹس جاری کرتے ہوئے سات روز میں جواب طلب کیا تھا۔

خیال رہے کہ آل راؤنڈر محمد حفیظ نے برطانوی نشریاتی ادارے کو انٹرویو کے دوران مشکوک بولنگ ایکشن کے حوالے سے آئی سی سی کی پالیسی کو شدید تنقید کا نشانہ بنایا تھا۔

انہوں نے آئی سی سی قانون پر عملدرآمد میں دہرا معیار اپنانے اور بہتر کارکردگی کے باوجود قومی ٹیم ٹوئنٹی اسکواڈ کا حصہ نہ بننے پر سوالات اٹھائے تھے۔

قومی ٹیم کے سابق کپتان کا یہ بھی کہنا تھا کہ بولنگ ایکشن سے متعلق قانون پر کئی چیزیں اثر انداز ہورہی ہیں، متعدد کرکٹ بورڈز کی طاقت کے سامنے کوئی بولنا نہیں چاہتا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں