محمد حفیط باؤلنگ ٹیسٹ کے لیےانگلینڈ روانہ -
The news is by your side.

Advertisement

محمد حفیط باؤلنگ ٹیسٹ کے لیےانگلینڈ روانہ

لاہور: پاکستان کرکٹ ٹیم کے آل راؤنڈر محمد حفیظ باؤلنگ ایکشن کا بائیو مکینک ٹیسٹ کرانے کے لیے انگلینڈ روانہ ہوگئے۔

تفصیلات کے مطابق قومی کرکٹ ٹیم کے سابق کپتان آل راؤنڈر محمد حفیظ باؤلنگ ایکشن کا بائیو مکینک ٹیسٹ کرانے کے لیے انگلینڈ روانہ ہوگئے جہاں وہ آئی سی سی کی بائیو مکینک لیبارٹری میں ٹیسٹ دیں گے۔

انگلینڈ روانگی سے قبل میڈیا سے گفتگوکرتے ہوئے محمد حفیظ نے کہا کہ جب سے آئی سی سی نے باؤلنگ ٹیسٹ کلیئر کیا اسی ایکشن سے باؤلنگ کررہا ہوں۔

قومی کرکٹ ٹیم کے اسٹار کھلاڑی نے سماجی رابطے کی ویب سائٹ ٹویٹر پراپنے پیغام میں کہا کہ انشااللہ میں باؤلنگ ایکشن کا ٹیسٹ کلیئرکرلوں گا۔

خیال رہے کہ سری لنکا کے خلاف تیسرے ون ڈے میں آئی سی سی نے محمد حفیظ کے باؤلنگ ایکشن کو مشکوک قرار دیا تھا اور انہیں 14 دن کے اندر بائیو مکینک ٹیسٹ کی ہدایت کی تھی۔

محمد حفیظ کا باؤلنگ ایکشن پہلی مرتبہ 2014 میں رپورٹ ہوا تھا اور اس کے بعد انہیں ایک سال تک باؤلنگ پر پابندی کا سامنا بھی رہا لیکن گزشتہ سال نومبر میں پابندی سے چھٹکارا حاصل کرنے والے 37 سالہ آل راؤنڈر کا ایکشن ایک مرتبہ پھر رپورٹ ہوا ہے۔

واضح رہے کہ قومی کرکٹ ٹیم کے آف اسپنرمحمد حفیظ کے باؤلنگ ایکشن کا بائیو مکینک ٹیسٹ یکم نومبر کوآئی سی سی کی بائیو مکینک لیبارٹری میں ہوگا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں