نئی دہلی: بھارتی کرکٹ ٹیم کے سابق کھلاڑی محمد کیف نے اپنے پرانے ساتھیوں یووراج سنگھ اور وریندر سہواگ سے متعلق اہم انکشاف کیا ہے۔
بھارتی میڈیا رپورٹس کے مطابق محمد کیف نے یووراج اور سہواگ کے ساتھ خوشگوار تعلقات کا ذکر کرتے ہوئے کہا ہے کہ وہ دونوں اِن کے مقابلے میں کہیں زیادہ امیر ہیں۔
رپورٹس کے مطابق نیٹ فلکس کے شو ’دی گریٹ انڈین کپل شو‘ کی آئندہ قسط سے ایک ٹیزر سوشل میڈیا پر وائرل ہورہا ہے۔
اس وائرل کلپ میں محمد کیف نے بتایا کہ اگر یووراج اور سہواگ ایک دوسرے سے ٹکرا جائیں تو ان کی جیبوں سے 5-6 کروڑ روپے نیچے گر جائیں، میں ان کے مقابلے میں بہت غریب ہوں۔
وائرل کلپ میں دیکھا جا سکتا ہے کہ محمد کیف کے اس بیان پر یووراج سنگھ نے اِن سے سوال کیا کہ وہ اس وقت کون سے برانڈ کے جوتے پہنے ہوئے ہیں جس پر کیف نے انٹرنیشنل شہرت یافتہ مہنگے ترین برانڈ کا نام لیا۔
بنگلہ دیش کا بھارتی آئی سی سی آفیشل کو ویزا دینے سے انکار
یووراج نے اس پر ہنستے ہوئے کہا کہ ’یہ خود کو ابھی غریب کہہ رہا ہے؟‘
یاد رہے کہ سابق بھارتی کرکٹر Mohammad Kaif، یووراج سنگھ اور وریندر سہواگ نے 2000 کی دہائی میں بھارتی ٹیم کے لیے زبردست کرکٹ کھیلی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں