The news is by your side.

Advertisement

کوئٹہ سے شکست کے بعد ملتان سلطانز کو ایک اور دھچکا

کراچی: پی ایس ایل 6 کے 14ویں میچ میں کوئٹہ گلیڈی ایٹرز سے شکست کے بعد ملتان سلطانز کو ایک اور دھچکا لگ گیا۔

تفصیلات کے مطابق پی ایس ایل 6 میں ملتان سلطانز کے کپتان محمد رضوان پاؤں پر گیند لگنے سے زخمی ہوگئے جس کے بعد ان کے پاؤں کا اسکین کروایا جارہا ہے جس کی رپورٹ آنے کے بعد ان کی اگلے میچ میں دستیابی کا بتایا جائے گا۔

محمد رضوان نے میچ کے بعد گفتگو کرتے ہوئے کہا کہ گیند لگنے سے کافی درد ہورہا ہے، فوری طور پر اسکین کروانے کا فیصلہ کیا ہے۔

ملتان سلطانز کے کپتان کا کہنا تھا کہ کرکٹ پریشر کی گیم ہے مگر آج ہم پریشر ہینڈل نہیں کرسکے، نواز اور قیس نے آج بہترین بولنگ کی۔

مزید پڑھیں: کوئٹہ گلیڈی ایٹرز کی پہلی کامیابی، ملتان سطانز کو شکست

دوسری جانب کوئٹہ گلیڈی ایٹرز کے کپتان سرفراز احمد کا کہنا تھا کہ اہم مرحلوں پر اچھی بولنگ اور بہتر فیلڈنگ کی وجہ سے میچ میں کامیابی ملی۔

سرفراز احمد نے کہا کہ بیٹنگ کے بعد بولرز نے بھی اچھی کارکردگی کا مظاہرہ کیا، ڈیل اسٹین اور حسنین نے بھی اچھی بولنگ کی۔

ان کا کہنا تھا کہ عثمان نے پہلی ہی اننگز میں شاندار اننگز کھیلی، آج کے میچ میں ہم نے حکمت عملی تبدیل کی جس کا نتیجہ بھی اچھا آیا، آنے والے میچز میں جیت کے تسلسل کو برقرار رکھیں گے۔

Comments

یہ بھی پڑھیں