قومی ٹیم کے وکٹ کیپر محمد رضوان عماد وسیم کی ریٹائرمنٹ پر حیران ہیں۔
محمد رضوان نے عماد وسیم کی بین الاقوامی کرکٹ سے اچانک ریٹائرمنٹ پر حیرانی کا اظہار کرتے ہوئے سوشل میڈیا پلیٹ فارم ‘X’ پر اپنی حیرت کا اظہار کیا۔
رضوان کا ماننا ہے کہ عماد اب بھی کئی سالوں تک پاکستان کی بین الاقوامی کرکٹ میں نمایاں کردار ادا کرنے کی صلاحیت رکھتے ہیں۔
Surprised to hear about your retirement, @simadwasim, my brother. I firmly believe you still have many years left to excel in international cricket for Pakistan. Wishing you the best in every facet of life. Keep shining bright! ❤️ pic.twitter.com/nQ5Hrh1CUN
— Muhammad Rizwan (@iMRizwanPak) November 26, 2023
انہوں نے لکھا کہ ریٹائرمنٹ کے بارے میں سن کر حیران ہوں، عماد میرے بھائی مجھے پختہ یقین ہے کہ پاکستان کے لیے بین الاقوامی کرکٹ میں بہترین کارکردگی دکھانے کے لیے آپ کے پاس ابھی کئی سال باقی ہیں۔ زندگی کے ہر پہلو میں آپ کے لیے نیک خواہشات۔ چمکتے رہیں۔
گزشتہ دنوں ریٹائر ہونے والے آل راؤنڈر عماد وسیم کو ورلڈکپ کے لیے ٹیم میں منتخب نہیں کیا گیا تھا جبکہ وہ آل راؤنڈر کی عالمی رینکنگ میں ٹاپ فائیو میں بھی موجود تھے۔ اس کے علاوہ وہ ورلڈ نمبر ون ٹی ٹوئنٹی بولر بھی رہ چکے ہیں۔
عماد کے تمام فارم سے ریٹائرمنٹ کے اعلان کے بعد سوشل میڈیا سائٹ ’ایکس‘ پر آل راؤنڈر کے مداحوں نے دکھ کا اظہار کرتے ہوئے کہا کہ نوجوان کھلاڑیوں کا اس طرح سے چلے جانا بورڈ کی ناکامی ہے۔
انٹرنیشنل کرکٹ سے ان کی ریٹائرمنٹ کے اعلان پر متعدد صارفین نے انھیں ورلڈکپ اسکواڈ میں شامل نہ کرنے کو وجہ قرار دیا اور اس بات کو ذمہ ڈار ٹھہرایا۔
