برطانیہ میں ’’محمد‘‘ بچوں کا مقبول ترین نام قرار -
The news is by your side.

Advertisement

برطانیہ میں ’’محمد‘‘ بچوں کا مقبول ترین نام قرار

لندن : ’’محمد‘‘ نام کو ایک بار پھر برطانیہ اور ویلز میں لڑکوں کے لیے سب سے مقبول ترین نام قرار دیا گیا ہے.

تفصیلات کے مطابق برطانیہ کے محکمہ شماریات (او این ایس) کی جانب سے 2015 کے مقبول ترین ناموں کی فہرست جاری کی گئی جس میں ’’محمد‘‘ نام کو سب سے مقبول قرار دیا گیا ہے.

انگلشن میں ’’محمد‘‘ نام کی اسپیلنگ یعنی ہجےمختلف تھی تاہم ان تمام ہجوں کے ناموں کو اکٹھا کیا جائے تو’’محمد‘‘ سب سے زیادہ مقبول نام ہے.جب ان سب ہجوں والے ناموں کا ڈیٹا اکھٹا کیا گیا تو یہ 7570 بچوں کا نام نکلا جبکہ نمبرون پر موجود اولیور نام 6941 بچوں کا تھا.

برطانوی سرکاری محکمے کا کہنا ہے کہ ’’محمد‘‘ نام 100 ناموں کی فہرست میں سب سے پہلے 1924 میں دیکھنے میں آیا اورہرگزرتے دن کے ساتھ اس میں اضافہ ہوتا گیا.

یاد رہے کہ 2014 میں بھی برطانیہ میں ’’محمد‘‘ مقبول ترین نام تھا اس کے علاوہ اس سال پیدا ہونے والے بچوں کے سب سے زیادہ مقبول ناموں کی فہرست میں عمر،علی اور ابراہیم بھی شامل تھے.

واضح رہےکہ رپورٹ کے مطابق 2014 میں بچیوں کے ناموں میں ’نور‘ بہت زیادہ مقبول تھا اس سال یہ 29واں مقبول ترین نام رہا جب کہ ’’مریم‘‘ لڑکیوں کا 35واں مقبول ترین نام تھا.

Comments

comments

یہ بھی پڑھیں