قومی ٹیم کے فاسٹ بولر محمد وسیم جونیئر سائیڈ اسٹرین انجری کے باعث ایشیا کپ سے باہر ہوگئے۔
فاسٹ بولر محمد وسیم جونیئر گزشتہ روز پریکٹس سیشن کے دوران کمر کی تکلیف میں مبتلا ہوگئے تھے جس کے بعد ان کا ایم آر آئی اسکین کروایا گیا تھا۔
تاہم اب پی سی بی میڈیکل پینل نے رپورٹ کا جائزہ لینے کے بعد فاسٹ بولر کو وطن واپس بھیجنے کا فیصلہ کیا ہے اور محمد وسیم کی جگہ فاسٹ بولر حسن علی کو ان کے متبادل کے طور پر اسکواڈ میں شامل کر لیا گیا ہے۔
🚨 Another big blow for Pakistan 😑
A side strain injury has forced Mohammad Wasim Jr out of the Asia Cup 2022 👀#CricketTwitter #AsiaCup2022 #BreakingNews pic.twitter.com/NcSghNBnjY
— CricWick (@CricWick) August 26, 2022
حسن علی پہلی دستیاب فلائٹ سے دبئی پہنچ کر قومی اسکواڈ کو جوائن کرلیں گے۔
Wasim ruled out of Asia Cup, Hasan named as replacement
Details here ⤵️https://t.co/wblUoVVGQw
— PCB Media (@TheRealPCBMedia) August 26, 2022
واضح رہے کہ شاہین شاہ آفریدی پہلے ہی انجری کی وجہ سے ٹیم سے باہر ہیں جن کی جگہ محمد حسنین کو شامل کیا گیا ہے۔
خیال رہے کہ ایشیا کپ میں کل پہلا میچ سری لنکا اور افغانستان کے مابین کھیلا جائے گا جبکہ پاکستان اپنا پہلا میچ 28 اگست کو روایتی حریف بھارت کیخلاف کھیلے گا۔
