site
stats
کھیل

محمد یوسف کی پی سی بی آمد، شرجیل خان کے حق میں گواہی

لاہور : سابق بلے باز محمد یوسف نے کہا ہے کہ شرجیل خان نے جان بوجھ کر ڈاٹ بالز نہیں کھیلیں بلکہ انہوں نے اپنا فطری کھیل کھیلا۔

وہ پی سی بی میں کرکٹرشرجیل خان کے حق میں گواہی دینے کے بعد میڈیا سے بات کررہے تھے انہوں نے کہا کہ بہ حیثیت بلے باز میں نے شرجیل کی کھیلی جانے والی دونوں بالز کا بغور جائزہ لیا ہے اور اس نتیجے پر پہنچا ہوں کہ شرجیل نے جان بوجھ کر ڈاٹ بالز نہیں کھیلی جیسا کہ ان پر الزام ہے۔

محمد یوسف کا کہنا تھا کہ ”مجھے نہیں لگتا کہ شرجیل خان نے جان بوجھ کا ڈاٹ بال کھیلیں “ تاہم اگر کسی کے پاس ثبوت ہیں تو قوم کے سامنے رکھیں اور انہیں سزا دیدیں لیکن اگر ثبوت نہیں ہیں تو اس معاملے کو ختم کریں کیوں کہ پوری دنیا کے سامنے ہمارا مذاق بن رہا ہے۔

انہوں نے مذید کہا کہ شرجیل خان نے دونوں بالز میرٹ پر کھیلی ہیں بلکہ ایک گیند پر تو انہوں نے اسکور لینے کی کوشش بھی کی ہے اور میں اسی لیے یہاں آیا ہوں کہ کسی بے گناہ کو کیریئر کے آغاز میں ہی مشکل سے نکال سکوں کیوں کسی بے گناہ کو پھسانا جائز بات نہیں ہے اور ان دو بالوں پرگواہی کیلئے مجھے کہیں اور بھی بلایا گیا تو میں جاﺅں گا۔

اس موقع پرشرجیل خان کے وکیل نے میڈیا سے گفتگو کرتے ہوئے بتایا کہ پی سی بی اب تک کوئی ایک بھی الزام ثابت نہیں کر سکا ہے اور آج ہماری جانب سے ماضی کے اسٹار بلے باز محمد یوسف پیش ہوئے اور ٹیکنیکل بنیادوں پر گواہی دی جب کہ پی سی بی نے بیانات کا کراس ایگزامن بھی کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top