بھارتی کرکٹر کی اہلیہ کا شوہر پر سنگین الزام mohammed shami
The news is by your side.

Advertisement

بھارتی کرکٹر کی اہلیہ کا شوہر پر سنگین الزام

نئی دہلی: بھارتی فاسٹ بولر محمد شامی کی اہلیہ نے کہا ہے کہ محمد شامی اور ان کے گھر والے مجھ پر تشدد کرتے ہیں اور مجھے جان سے مارنے کی کوشش بھی کی۔

بھارتی میڈیا کے مطابق فاسٹ بولر محمد شامی کی اہلیہ حسین جہاں نے ان پر سنگین الزامات عائد کرتے ہوئے کہا ہے کہ محمد شامی اور گھر والوں نے جسمانی تشدد کیا اور مجھے جان سے مارنے کی کوشش بھی کی گئی۔

حسین جہاں نے فاسٹ بولر کے بارے میں مزید کہا کہ محمد شامی کے دوسری خواتین سے دوستیاں ہیں، جبکہ میں نے انہیں سنبھلنے کیلئے کافی وقت دیا تاہم اب بہت ہوچکا۔

حسین جہاں کے وکیل ذاکر حسین کا کہنا ہے کہ محمد شامی کی اہلیہ قانونی چارہ جوئی سے پہلے انہیں سدھرنے کا موقع فراہم کیا تاہم ان میں کوئی تبدیلی نہیں آئی۔

دوسری جانب فاسٹ بولر نے تمام خبروں کو بے بنیاد اور من گھرٹ قرار دے دیا، محمد شامی کا کہنا تھا کہ یہ جتنی بھی خبریں میری نجی زندگی کے بارے میں چلائی جارہی ہیں یہ سب سراسر جھوٹ ہیں۔

انہوں نے اپنے خلاف چلنے والی خبروں کو سازش قرار دیتے ہوئے کہا کہ میرے کیریئر کو نقصان پہنچانے کے لیے یہ سب خبریں چلائی جارہی ہیں۔

واضح رہے کہ فاسٹ بولر محمد شامی ان دنوں دیودھر ٹرافی کھیلنے میں مصروف ہیں، جبکہ جنوبی افریقہ کے خلاف حالیہ سیریز میں فاسٹ بولر نے عمدہ کارکردگی کا مظاہرہ کرتے ہوئے 5 وکٹیں حاصل کی تھیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

Comments

comments

یہ بھی پڑھیں