The news is by your side.

Advertisement

روٹ ترمیم کے بعد موہن جو دڑو ایکسپریس بحال

اس ٹرین میں کراچی سے ملتان تک کا ہزار کلو میٹر سفر سستا ترین قرار دے دیا گیا

کراچی: موہن جو دڑو ایکسپریس کو روٹ میں ترمیم کے بعد دوبارہ بحال کر دیا گیا۔

تفصیلات کے مطابق پاکستان ریلویز نے 213 اپ موہن جو دڑو ایکسپریس کو بحال کر دیا ہے، کرونا وائرس کی وجہ سے ٹرین آپریشن کی معطلی سے قبل یہ ٹرین کوٹری اور روہڑی کے درمیان براستہ دادو، لاڑکانہ، شکارپور اور سکھر چلتی تھی۔

کوئٹہ جیکب آباد کے مسافروں کی سہولت کے لیے اب یہ ٹرین بحال ہونے کے بعد کراچی سے براستہ کوٹری، سیہون، دادو، لاڑکانہ، کشمور، راجن پور، ڈی جی خان، مظفر گڑھ سے ہوتے ہوئے ملتان پہنچے گی۔

موہن جو دڑو ایکسپریس 7 اکانومی کوچز پر مشتمل ہے جن کی مجموعی گنجائش 616 مسافروں کی ہے۔

موہن جو دڑو ایکسپریس

اس ٹرین کے روٹ تبدیل کرنے سے کراچی میں کام کرنے والے اندرون سندھ اور جنوبی پنجاب کے لوگوں کو بہت فائدہ ہوگا، میڈیا سے بات کرتے ہوئے ڈی ایس کراچی ارشد سلام خٹک نے کہا کہ یہ ٹرین نئی نہیں ہے بلکہ اس کے روٹ اور اسٹیشنوں کو صرف لوگوں کی سہولت کے لیے بڑھایا گیا ہے۔

انھوں نے مزید کہا کہ اس ٹرین میں کراچی سے ملتان تک کا 1000 کلو میٹر سفر سستے ترین کرائے یعنی صرف 920 روپے میں مکمل ہوگا۔

Comments

یہ بھی پڑھیں