لاہور: پاکستان کرکٹ ٹیم کے سابق کوچ محسن حسن خان کا کہنا ہے کہ بورڈ نے اگرغیر ملکی کوچ رکھنا ہے تو اشتہار کیوں دیا گیا، ملکی کوچزکو بے وقوف نہ بنایا جائے۔
سابق چیف سلیکٹر محسن خان نے کہا کہ وہ براہ راست چیئرمین پی سی بی کو کوچ کے عہدے کی درخواست بھیجیں گے، وسیم اکرم اور رمیز راجہ جونیئرہیں۔
ان کا کہنا تھا کہ وہ غیرملکی ٹیموں کی کوچنگ میں دلچسپی نہیں رکھتے۔
سابق کرکٹر کے مطابق ماضی کے کوچز پرکروڑوں روپے بورڈ نے خرچ کیے لیکن نتیجہ صفررہا، کچھ لوگ شہد کی مکھیوں کی طرح بورڈ سے چمٹے ہوئے ہیں جن سے چھٹکارا ضروری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں