اسلام آباد: امریکا سے واپسی پر وزیر داخلہ محسن نقوی نے وزیر اعظم پاکستان شہباز شریف سے ملاقات کی ہے۔
تفصیلات کے مطابق وزیر اعظم شہباز شریف سے وزیر داخلہ و چیئرمین پی سی بی محسن نقوی کی ملاقات ہوئی ہے، جس میں وزیر داخلہ نے وزیر اعظم کو اپنے حالیہ دورہ امریکا سے آگاہ کیا۔
محسن نقوی نے امریکی حکام، کاروباری برادری، اور سرمایہ کاروں سے ہونے والی ملاقاتوں سے وزیر اعظم کو آگاہ کیا، انھوں نے وزیر اعظم کو چیمپئنز ٹرافی کے انعقاد کی تیاریوں سے بھی آگاہ کیا۔
وزیر اعظم شہباز شریف نے محسن نقوی سمیت بورڈ کی پوری ٹیم کی کاوشوں کو سراہا، وزیر داخلہ نے شہباز شریف کو اسلام آباد میں جاری ترقیاتی کاموں پر پیش رفت سے بھی آگاہ کیا، جس پر وزیر اعظم نے جاری ترقیاتی کاموں کی کی رفتار کو سراہا۔
’بانی پی ٹی آئی کو مائنس کرنے کے چکرمیں پاکستان کا نقصان کیا جارہا ہے‘
محسن نقوی نے انسانی اسمگلنگ میں ملوث گروہوں کے خلاف آپریشن، اور ملکی امن و امان کی صورت حال پر بھی وزیر اعظم کو بریفنگ دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں