لاہور(7 فروری 2026): چیئرمین پی سی بی محسن نقوی نے نیدرلینڈ کے خلاف پاکستان کی جیت فہیم اشرف کے جڑواں بیٹوں کے نام کر دی۔
پاکستان اور نیدرلینڈز کے خلاف قومی ٹیم کی کامیابی پر چیئرمین پی سی بی محسن نقوی نے آل راؤنڈر فہیم اشرف کے بچوں کی تصویر ایکس پر شیئر کرتے ہوئے ٹیم کو مبارکباد دی ہے۔
Well played, Netherlands! Today’s game is dedicated to these adorable twin babies! Wishing them a healthy and happy life. pic.twitter.com/gOOlYduPRU
— Mohsin Naqvi (@MohsinnaqviC42) February 7, 2026
پاکستان کرکٹ بورڈ کے چیئرمین محسن نقوی نے اپنی پوسٹ میں لکھا کہ قومی ٹیم کو جیت مبارک ہو، اور آج کی یہ کامیابی فہیم اشرف کے دو بچوں کے نام ہے۔ انہوں نے بچوں کے لیے نیک خواہشات کا اظہار بھی کیا۔
واضح رہے کہ نیدرلینڈز کے خلاف میچ میں فہیم اشرف نے آخری لمحات میں جارحانہ بیٹنگ کرتے ہوئے 11 گیندوں پر 29 رنز بنائے اور پاکستان کو فتح دلوانے میں اہم کردار ادا کیا۔
واضح رہے کہ فہیم اشرف کے ہاں حال ہی میں جڑواں بچوں کی پیدائش ہوئی ہے، جس کی مناسبت سے چیئرمین پی سی بی نے اس جیت کو ان سے منسوب کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں