ماں کے نظر انداز کرنے پر بندر نے بلی کے بچے کو گود لے لیا، ویڈیو وائرل -
The news is by your side.

Advertisement

ماں کے نظر انداز کرنے پر بندر نے بلی کے بچے کو گود لے لیا، ویڈیو وائرل

کولالمپور: ملائشیا کے شہر کوالا کانگسر میں ماں کے نظر انداز کرنے پر بندر نے بلی کے بچے کو گود لے لیا، انوکھی ویڈیو سوشل میڈیا پر وائرل ہوگئی۔

سماجی رابطے کی ویب سائٹ پر صارف ’رومی شاہ‘ نے ایک ویڈیو اپ لوڈ کی جس میں دیکھا جاسکتا ہے کہ بندر بلی کے بچے کو ہاتھ میں اٹھائے ایک اونچے مقام کی طرف جارہا ہے۔

انوکھے واقعے کی ویڈیو کو اب تک 30 لاکھ سے زائد لوگ دیکھ چکے ، اکثر صارفین بندر کی اس حرکت پر حیران بھی ہیں۔

رومی کی طرف سے شیئر ہونے والی ویڈیو میں دیکھا جاسکتا ہے کہ بندر ایک بلی کے بچے کو ماں کی غیر موجودگی میں اٹھا کر فرار ہوا اور پھر وہ اونچے مقام پر اُسے پکڑ کر بیٹھ گیا۔

Posted by Romy Shah on Wednesday, October 24, 2018

حیران کُن طور پر ویڈیو میں دیکھا جاسکتا ہے کہ بلی کے بچے کی جانب سے کوئی مزاحمت نہیں ہوئی بلکہ وہ بھی خاموشی سے بندر کے پاس بیٹھا رہا جبکہ اس دوران اُس کی ماں نیچے سے پکارتی رہی۔

رومی کا کہنا تھا کہ ’بندر کی بلی کے بچے سے محبت بہت ہی عجیب تھی کیونکہ اُس نے ماں کی غیر موجودگی کا فائدہ اٹھایا اور پھر اُسے لے کر اوپر بیٹھ گیا، اس دوران بندر نے بھی بچے پر کوئی تشدد نہیں کیا بلکہ اُس کا خیال رکھا‘۔

Posted by Romy Shah on Wednesday, October 24, 2018

صارف کا کہنا تھا کہ ’بچے کی ماں جب دوسری بلی کے قریب گئی تو بندر نے اسی دوران اُسے گود میں اٹھایا اور بھاگ گیا‘۔ صارفین نے بندر کی اس حرکت کو اغوا جبکہ کچھ لوگ اسے بندر کی رحم دلی کا نام دیا۔

Comments

comments

یہ بھی پڑھیں