site
stats
پاکستان

پاناما کی بات کرو تو ن لیگ کے وزرا پتھر ڈھونڈتے ہیں، چانڈیو

حیدرآباد: پیپلزپارٹی کے رہنما مولا بخش چانڈیو نے کہا ہے کہ پاناما لیکس کے فیصلے کا پوری قوم کو انتظار ہے، جس اس موضوع پر بات کرو تو ن لیگ کے وزراء پتھر ڈھونڈتے ہیں۔

میڈیا سے گفتگو کرتے ہوئے پیپلزپارٹی کے رہنماء نے کہا کہ سرکار کی طرف سے بینرز لگانا عدلیہ پر دباؤ ڈالنے کے مترادف ہے، اب کسی کو بینرز لگانے والے نظر نہیں آئیں گے۔

انہوں نے کہا کہ پاناما کے ممکنہ فیصلے کے خلاف احتجاج کی تیاری حکمرانوں کو زیب نہیں دیتی اگر ملک میں افرتفری پھیلانے کی کوشش کی گئی تو حکومت کو نقصان ہوگا۔

پڑھیں: ’’ پاناماکیس: ‘قائد تیرا ایک اشارہ،حاضر حاضرلہو ہمارا‘ کے بینرز آویزاں ‘‘

مولا بخش چانڈیو نے کہا کہ پاناما کیس کے فیصلے کا پوری قوم کو شدت سے انتظار ہے مگر بے چین وزراء وقت کے ساتھ ساتھ اپنے حواس کھوتے جارہے ہیں، اگر کوئی پاناما فیصلے سے متعلق بات کرے تو وزراء پتھر ڈھونڈتے ہیں، بے چین وزرا اپنے جذبات پر قابو رکھیں اور عدالتی فیصلے کا انتظار کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top