site
stats
سندھ

میڈیا ہاؤسزاورصحافیوں کا تحفظ یقینی بنایا جائے گا، مولا بخش چانڈیو

کراچی :مشیر اطلاعات سندھ مولا بخش چانڈیو نے کہا ہے کہ تمام میڈیا ہاؤسز اور صحافیوں کا تحفظ یقینی بنایا جائے گا، ان خیالات کا اظہار انہوں نے میڈیا ہاؤسز اور صحافیوں کے تحفظ کے حوالے سے ایک اجلاس کی صدارت کرتے ہوئے کیا۔

اجلاس میں پاکستان براڈ کاسٹر ایسوسی ایشن کے وفود کے علاوہ سیکیریٹری داخلہ سندھ ریاض سومرو, سیکیریٹری محکمہ اطلاعات اعجاز میمن, ڈائریکٹر جنرل محکمہ اطلاعات لبنیٰ صلاح الدین, ایڈیشنل آئی جی کراچی مشتاق احمد مہر ومحکمہ اطلاعات سندھ کے دیگر سینئر افسران بھی موجود تھے۔

اس موقع پر مولا بخش چانڈیو نے تین رکنی کمیٹی کو میڈیا ہاؤسز کے سروے اورسیکیورٹی کے حوالے سے صحافتی تنظیموں سے مشاورت کے احکامات بھی جاری کئے۔

مشیر اطلاعات سندھ نے کہا کہ پاکستان پیپلزپارٹی کی قیادت آزادی صحافت اور اظہار رائے کی آزادی کو ناصرف اہمیت دیتی ہے بلکہ اس پر یقین بھی رکھتی ہے۔

انہوں نے اس عزم کا اظہار کیا کہ صوبے میں امن اوامان کا قیام حکومت سندھ کی اولین ترجیح ہے اور عوام الناس کی جان ومال کے تحفظ سمیت سرکاری نیم سرکاری دفاتر, میڈیا ہاؤسز اور ان سے وابستہ ملازمین صحافی برادری کے لیے جملہ سیکیورٹی اقدامات کو انتہائی ٹھوس اور مربوط بنایا جائیگا۔

انہوں نے کہا کہ اس حوالے سے وزیراعلیٰ سندھ کی خصوصی ہدایات پر پولیس نے قانون نافذ, کرنیوالے دیگر اداروں کی مشاورت پر مشتمل سیکیورٹی منصوبہ ترتیب دیدیا ہے۔

انہوں نے سیکریٹری داخلہ, کراچی پولیس اور محکمہ اطلاعات سندھ پر مشتمل تین رکنی کمیٹی قائم کرتے ہوئے کمیٹی ممبران کو میڈیا ہاؤسز کا سروے کرنے اوربعدازاں صحافتی تنظیموں کے نمائندگان سے مشاورت کرکے اس پلان کومزید مربوط بنانے کی ہدایات دیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top