The news is by your side.

Advertisement

اسحاق ڈار کا تیز لہجہ مشکوک ہے، مولا بخش چانڈیو

کراچی: پیپلز پارٹی کے رہنما مولا بخش چانڈیو نے کہا ہے کہ اسحاق داڑ جیسے دھیمے لہجے میں بات کرنے والا تیز لہجے میں خطاب کرے تو لگتا ہے دال میں کچھ کالا ہے۔

مولا بخش چانڈیو نے میڈیا سے گفتگو کرتے ہوئے کہا کہ وفاقی وزیر خزانہ بولنا کچھ چاہتے تھے اور بول کچھ رہے تھے، اُن کے جوشِ خطابت سے ایسا لگ رہا تھا کہ وہ کاروباری شخصیات سے نہیں بلکہ ن لیگ کے کنونشن سے خطاب کررہے ہیں۔

وزیر خزانہ کی تقریر پر ردعمل دیتے ہوئے مشیر اطلاعات سندھ مولا بخش چانڈیو کا کہنا تھا کہ وزیر اعظم کی وضاحتیں اور وزراء کی بوکھلاہٹ سے لگتا ہے کہ ’’دل کا جانا ٹھہر گیا آج گیا کل گیا‘‘، انہوں نے کہا کہ وزیر خزانہ کے جوشِ خطابت سے لگتا ہے دال میں کچھ کالا ہے۔

پڑھیں:  حکومت ملک کی تعمیر میں اور کنٹینر والےتخریب میں مصروف ہیں،اسحاق ڈار

 قبل ازیں وفاقی وزیر خزانہ اسحاق ڈار نے اسلام آباد میں کاروباری شخصیات سے خطاب کرتے ہوئے اپوزیشن جماعتوں اور خصوصاً تحریک انصاف پر تنقید کرتے ہوئے کہا تھا کہ حکومت ملک کی تعمیرِ عمل میں مصروف ہے مگر دھرنے کرنے والے پاکستان تخریب کی کوشش میں لگے ہوئے ہیں۔

انہوں نے مزید کہا تھا کہ ’’تین سالوں میں پاکستان کے زرمبادلہ کے ذخائر ساڑھے 19 ارب تک پہنچ گئے ہیں اور دھرنا کرنے والوں کو یہ بات ہضم نہیں ہورہی، اقتدار سنبھالتے ہی تین بڑے چیلنجز کا سامنا کرنا تھا، جس سے لڑ کر اُن مسائل کو حل کیا اور عوام کو ریلیف فراہم کیا ہے۔

Comments

comments

یہ بھی پڑھیں