The news is by your side.

Advertisement

توہین رسالت کے قانون کو ہر گز تبدیل نہیں ہونے دیں گے، مولانا فضل الرحمان

ملتان: جیعت علماء اسلام پاکستان کے سربراہ مولانا فضل الرحمن نے کہا کہ سوشل میڈیا پر توہین رسالت طوفان بد تمیزی ہے اس کو فورا بند ہونا چاہیئے، توہین رسالت کے قانون کو ہر گز تبدیل نہیں ہونے دیں گے۔

جمیت علماء اسلام کے سربراہ مولانا فضل الرحمان نے مدرسہ قاسم العلوم میں میڈیا سے گفتگو کرتے ہوئے کہا کہ سوشل میڈیا پر توہین رسالت طوفان بد تمیزی ہے اس کو فورا بند ہونا چاہیئے، ریاست ناموس رسالت کے لئے جنگ لڑے۔

ناموس رسالت کے لئے ہر قسم کی قربانی دینے کو تیار ہیں

انہوں نے کہا کہ ناموس رسالت کے لئے ہر قسم کی قربانی دینے کو تیار ہیں، پاکستان میں توہین رسالت کسی صورت برداشت نہیں کی جائے، وزیر اعظم سے ملاقات کرکے تحفظات سے آگاہ کریں گے، توہین رسالت کے قانون کو ہر گز تبدیل نہیں ہونے دیں گے۔

جمیت علماء اسلام کے سربراہ نے کہا کہ آپریشن ضرب عضب کو دہشتگردی کے واقعات نے متاثر کیا، اگر تمام سیاسی جماعتیں متفق ہو تو فوجی عدالتیں قبول ہیں۔

مولانا فضل الرحمان کا کہنا تھا کہ پانامہ کا معاملہ عدالت میں ہے ٹرائل سے پہلے ٹرائل شروع ہوجاتا ہے، فیصلہ عدالت نے کرنا ہے اس بحث نہ کی جائے۔

ایک سوال کے جواب میں انہوں نے کہا کہ ملکی وقار اور سالمیت کے خلاف کام کرنے والوں کا احتساب ہونا چاہیے، ہم نے ہمیشہ پاکستان میں امریکی مداخلت کو مسترد کیا ہے، سرحدوں کی صورتحال کے باعث پاکستان دباؤ کا شکار ہے، مشرف دور میں امریکی مداخلت بڑہی سی آئی اور بلیک واٹر دیگر ایجنسیوں نے اپنے پنجھے جمائے، پڑوسی ممالک کو ہم سے اور ہمیں ان سے شکایات ہیں، ممالک کو مل بیٹھ کر معاملات حل کرنے چاہیئے۔

Print Friendly, PDF & Email

Comments

comments

یہ بھی پڑھیں