The news is by your side.

Advertisement

طاقت کے استعمال میں مولانا اپنی حیثیت کو نظر انداز کررہے ہیں‘ نعیم الحق

کراچی: ترجمان تحریک انصاف نعیم الحق نے کہا ہے کہ فیاض الحسن چوہان پر مولانا فضل الرحمان کے غنڈوں نے حملہ کیا، طاقت کے استعمال میں مولانا اپنی حیثیت کو نظر انداز کررہے ہیں۔

ان خیالات کا اظہار ترجمان تحریک انصاف نعیم الحق نے فیاض الحسن پر حملے کی مذمت کرتے ہوئے کیا، انہوں نے کہا کہ مولانا فضل الرحمان کے غنڈوں نے فیاض الحسن چوہان پر حملہ کیا جب کہ فیاض الحسن نے مباحثے میں صرف حقائق بیان کئے تھے گفتگو کے جواب میں طاقت کے استعمال کی کوششیں ہورہی ہیں۔

نعیم الحق کا مزید کہنا تھا کہ مولانا فضل الرحمان نواز شریف کی حمایت میں اپنی حیثیت کو نظر انداز کررہے ہیں، شر انگیزی کسی صورت قابل قبول نہیں ہے۔

نعیم الحق نے مولانا کو مخاطب کرتے ہوئے کہا کہ مولانا فضل الرحمان گالم گلوچ اور غنڈہ گردی سے باز رہیں ان کے حق میں بہتر ہے۔

واضح رہے کہ پی ٹی آئی کارکن فیاض الحسن چوہان پر تقریر کے دوران نامعلوم افراد نے حملہ کردیا تھا۔

Print Friendly, PDF & Email

Comments

comments

یہ بھی پڑھیں