The news is by your side.

Advertisement

چوہدری نثار جیسے باعزت آدمی کو پی ٹی آئی میں نہیں جانا چاہیے: مولانا فضل الرحمان

گوجرانوالہ: جمیعت علمائے اسلام (ف) کے سربراہ مولانا فضل الرحمان نے کہا ہے کہ چوہدری نثار جیسے باعزت آدمی کو پی ٹی آئی میں نہیں جانا چاہیے، تحریک انصاف حکومت کرنے کا جواز کھو چکی ہے۔

ان خیالات کا اظہار انہوں نے میڈیا سے بات چیت کرتے ہوئے کیا، مولانا فضل الرحمان کا کہنا تھا کہ ایم پی ایز کے معاملے کے بعد پی ٹی آئی حکومت چھوڑ دے ان کا کوئی جواز نہیں بنتا کہ وہ حکومت کرے، جہانگیر ترین اب بھی عہدے پر موجود ہیں تو کمزوروں کو سزا کا کیا فائدہ؟

انہوں نے کہا کہ خیبر پختونخوا 300 ارب کا مقروض ہوچکا ہے، نیا پاکستان بنانے والوں سے کے پی کے کا حال پوچھا جائے، پنجاب میں پی ٹی آئی کے18ممبر ہیں، لیکن سینیٹ میں 38 ووٹ کیسے ملے؟

تحریک انصاف نے پختونوں کے کلچر کو تباہ کردیا، مولانا فضل الرحمان

سربراہ جے یو آئی ف کا نقیب اللہ قتل کیس سے متعلق کہنا تھا کہ لاپتہ افراد پر احتجاج نقیب اللہ کے مسئلے سے شروع ہوا، ادارے دائرہ اختیار سے نکل کر فیصلے کریں تو عوامی پذیرائی نہیں ملتی، نقیب کا معاملہ اہم ہے شفاف تفتیش ہونی چاہیے۔

نوازشریف کی تاحیات نااہلی سمجھ سے بالاتر ہے، مولانا فضل الرحمان

مقبوضہ کشمیر میں جاری بھارتی مظالم اور نہتتے کشمیریوں کی شہادت سے متعلق فضل الرحمان کا کہنا تھا کہ کشمیر میں مظالم پر بھارت کے اندر بھی آواز اٹھ رہی ہے، بھارتی افواج مقبوضہ کشمیر میں مظلوم اور بے گناہ شہریوں کو شہید کر رہے ہیں، مودی کو احساس ہوناچاہیے اس کے رویوں سے کشمیری نفرت کرتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔

Comments

comments

یہ بھی پڑھیں