site
stats
پاکستان

مولاناسلیم اللہ خان کی نمازجنازہ ادا کردی گئی

کراچی : متازعالمِ دین،استاذ الاساتذہ،محدث، وفاق المدارس العربیہ پاکستان کےسربراہ مولاناسلیم اللہ خان کی نمازجنازہ ادا کردی گئی۔

تفصیلات کے مطابق ممتازعالمِ دین،استاذ الاساتذہ،محدث، وفاق المدارس العربیہ پاکستان کےسربراہ مولاناسلیم اللہ خان کی نمازجنازہ جامعہ فاروقیہ کراچی میں ادا کردی گی۔ جس میں ہزاروں شاگردوں اور عقیدت مندوں نے شرکت کی۔ شرکا نے محروم کی دینی خدمات کو خراج تحسین پیش کیا۔

خیال رہے کہ گزشتہ روز ممتاز عالم دین ،وفاق المدارس العربیہ پاکستان کے صدر اور جامعہ فاروقیہ کراچی کے مہتمم شیخ الحدیث مولانا سلیم اللہ خان 96 برس کی عمر میں انتقال کر گئے تھے، مولانا سلیم اللہ خان کچھ دنوں سے علیل اورکراچی کے مقامی ہسپتال میں زیر علاج تھے۔


مزید پڑھیں:وفاق المدارس العربیہ کے صدر مولانا سلیم اللہ خان انتقال کرگئے


ان کے انتقال کی خبرسن کردنیا بھر میں ان کے لاکھوں چاہنے والے اورعقیدت مند غم میں ڈوب گئے، جامعہ بنوریہ کے سربراہ مفتی محمد نعیم اور دیگر نے مولانا سلیم اللہ کے انتقال پر رنج وغم کا اظہار کیا ہے۔

مولانا سلیم اللہ خان کا شمار پاکستان کے معروف اور جید علماء میں ہوتا تھا، مولانا سلیم اللہ خان مفتی تقی عثمانی کے استاد بھی تھے۔

مولانا سلیم اللہ خان انیس سو پچیس کو ہندوستان کے ضلع مظفر نگرمیں پیداہوئے، مرحوم نے دارالعلوم دیوبند انڈیا سے فقہ و حدیث کی تعلیم حاصل کرکے کراچی میں جامعہ فاروقیہ کی بنیاد رکھی، مفتی اعظم پاکستان مفتی محمد رفیع عثمانی، اور مفتی محمد تقی عثمانی نے انہی سے فیض پایا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top