The news is by your side.

Advertisement

ماں‌ نے بیٹی کے لیے فلائٹ رکوادی

بیجنگ: چین جانے والی ایک پرواز میں سوار خاتون اس وقت جہاز کی روانگی میں تاخیر کا باعث بن گئیں جب ان کی بیٹی ڈیوٹی فری شاپ سے خریداری میں مصروف تھی، خاتون نے جہاز کے دروازے کے سامنے دھرنا دے دیا۔

غیرملکی خبررساں ادارے کے مطابق چینی خاتون نے بیٹی کی شاپنگ کی وجہ سے پرواز میں تاخیر کرادی، جہاز ڈیڑھ گھنٹے کی تاخیر سے منزل کی جانب روانہ ہوا۔

اسپرنگ ایئرویز کے ترجمان کے مطابق مسافر ماں نے جہاز سے باہر دھرنا دے دیا تھا اور اس طرح جہاز کے عملے کے سربراہ کو جہاز کا دروازہ بند کرنے سے روکے رکھا۔

ترجمان اسپرنگ ایئرویز کے مطابق خاتون کا دعویٰ تھا کہ ان کی بیٹی خریداری کررہی ہے، اس لیے اس نے پولیس سے درخواست کی اس کا انتظار کیا جائے کیونکہ پولیس چیزوں کی تلاشی میں مصروف تھی۔

رپورٹ کے مطابق ماں بیٹی کو جہاز میں سوار ہونے کے باوجود جہاز کے عملے اور پولیس کی مداخلت کے بعد جہاز سے اتار دیا گیا جس کے بعد جہاز ڈیڑھ گھنٹے تاخیر کے سبب منزل کی جانب روانہ ہوا۔

فضائی کمپنی نے تاخیر کا باعث بننے والے مسافروں کے رویے کی مذمت کرتے ہوئے اسے غیرمہذب فعل قرار دیا ہے۔

اسپرنگ ایئرلائنز کی اسی پرواز سے سفر کرنے والی ایک مسافر خاتون نے سارے واقعے کی ویڈیو ریکارڈ کرلی اور بعدازاں اسے سوشل میڈیا پر اپ لوڈ کردیا، اس واقعے کو سوشل میڈیا پر دیکھنے والوں کی تعداد لاکھوں تک پہنچ چکی ہے۔

Comments

comments

یہ بھی پڑھیں