شوبز انڈسٹری کی معروف اداکارہ مومنہ اقبال کا کہنا ہے کہ آج کل کے مرد پریشان خواتین جیسا برتاؤ کرتے ہیں۔
پاکستانی اداکارہ مومنہ اقبال کے مرد اور خواتین سے متعلق حالیہ تبصروں نے سوشل میڈیا پر نئی بحث چھیڑ دی۔
حالیہ انٹرویو میں مومنہ اقبال نے اپنی ذاتی زندگی، بہن بھائیوں کے ساتھ اپنے تعلقات، محبت اور شادی کے بارے میں اپنے خیالات کا اظہار کیا۔
مومنہ اقبال نے انکشاف کیا کہ وہ اپنے چھوٹے بہن بھائیوں خصوصاً اپنے 19 سالہ بھائی کے ساتھ بہت گہرے تعلقات رکھتی ہیں۔ حالیہ واقعے کو یاد کرتے ہوئے انہوں نے کہا کہ جب وہ خود کو کمزور محسوس کر رہی تھی اور ڈپریشن سے گزر رہی تھی تو ان کے بھائی نے انہیں پھولوں کے ہار (گجرے) دے کر حیران کر دیا۔
یہ پڑھیں: مداح میسج کرتے ہیں ’بے بی آپ نے کھانا کھالیا‘؟ مومنہ اقبال
انہوں نے کہا کہ بھائی ہمیشہ ان کے ساتھ پیار اور احترام سے پیش آتا ہے، اکثر ان کے لیے کار کا دروازہ کھولتا ہے اور انہیں خاص محسوس کرتا ہے۔
مومنہ اقبال نے کہا کہ ان کے لیے ایسے شخص سے شادی کرنے پر غور کرنا بہت مشکل ہو گیا ہے جس میں جذباتی گہرائی نہ ہو۔ ان کا ماننا ہے کہ آج کل زیادہ تر مرد جذباتی طور پر موجود نہیں ہیں۔
اداکارہ نے انکشاف کیا کہ انہیں ایک بار محبت کا تجربہ ہوا لیکن دوسرے شخص کی پختگی اور حساسیت کی کمی کے باعث یہ رشتہ ختم ہوگیا۔ جب کوئی آپ کے خوابوں کو چکنا چور کر دیتا ہے تو آپ یقین کرنے لگتے ہیں کہ محبت ایک وہم ہے۔
ایک سوال کے جواب میں مومنہ اقبال نے کہا کہ آج کی خواتین نے مردوں کو مرد ہی نہیں رہنے دیا، کیونکہ خواتین بہت زیادہ توجہ اور لاڈ کی مانگ کرتی ہیں، اس لیے مرد اب پریشان خواتین جیسا برتاؤ کرتے ہیں اور اپنی حقیقی شناخت کھو دیتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں