نیٹ فلکس کی شہرہ آفاق ویب سیریز ’منی ہائسٹ‘ کے پانچویں سیزن کی ریلیز کی تاریخوں کا اعلان ہو گیا ہے۔
تفصیلات کے مطابق دنیا بھر میں تہلکہ مچا دینے والی نیٹ فلکس کی کرائم سیریز منی ہائسٹ کے 5 ویں سیزن کی تاریخوں کا اعلان آج پیر کو ہو گیا، سیزن 5 کا پہلا حصہ 3 ستمبر کو ریلیز ہوگا، جب کہ دوسرا حصہ 3 دسمبر کو ریلیز ہوگا۔
نیٹ فلیکس نے سیریز کا ایک دل کو دھڑکانے والا ٹریلر بھی جاری کر دیا ہے، اس بار گینگ کے ارکان زیادہ غصے اور زیادہ قوت سے لوٹے ہیں، وہ نیروبی کی قربانی کو بھلانے والے نہیں ہیں، کیوں کہ اب بات صرف چوری کی نہیں رہی ہے، اس ٹیزر میں کئی سارے خوشی اور دکھ کے لمحات دکھائی دیتے ہیں۔
ٹیزر میں ہر گینگ ممبر کے جذبات کو سلو موشن میں دکھایا گیا ہے، اور ہر کوئی جیسے اپنے ذاتی نقصان کا انتقام لینے کے لیے لڑتا دکھائی دے رہا ہے۔
BREAKING: Season 5 of La Casa de Papel (or Money Heist) is coming this year!
S5 Vol. 1 = 3 September
S5 Vol. 2 = 3 December pic.twitter.com/VOEvSaMCzN— Netflix UK & Ireland (@NetflixUK) May 24, 2021
اس میں بہت سارا ایکشن بھی دکھائی دیتا ہے، اس بار پولیس اہل کار بھی بینک کے اندر آ چکے ہیں، اور وہ ہر وہ قدم اٹھا رہے ہیں جس سے گینگ کو سرینڈر کیا جا سکے، لیکن گینگ بھی ہار ماننے کو تیار نہیں، جب گینگ بینک کے اندر داخل ہوتا ہے تو ہر دل عزیز پروفیسر بینک آف اسپین سے باہر محاذ سنبھالتا ہے، لیکن کیا اس بار پروفیسر کو پکڑ کر کرسی سے باندھ دیا گیا ہے؟
اس ٹیزر کے ذریعے نیٹ فلیکس نے یہ بھی انکشاف کیا ہے کہ اس بار منی ہائسٹ سیز فائیو دو حصوں میں آئے گا، پہلا حصہ تین ستمبر کو آئے گا، جب کہ دوسرے حصے کا پریمیئر 3 دسمبر کو ہوگا۔
منی ہائسٹ کے تخلیق کار ایلکس پینا نے سیزن فائیو کے بارے میں بتایا کہ جب ہم نے وبا کے دوران پارٹ فائیو لکھنا شروع کیا تو ہمیں محسوس ہو گیا کہ دس قسطوں کے سیزن سے جو توقع کی گئی تھی اسے تبدیل کرنا پڑے گا، ہم نے آخری سیزن کو زیادہ سے زیادہ سنسنی خیز بنانا تھا، اس لیے ہم نے فیصلہ کہ اسے نہایت جارحانہ بنائیں گے، جب کہ دوسرے حصے میں کرداروں کی جذباتی صورت حال پر زیادہ توجہ مرکوز رکھی۔
