اسلام آباد ایئرپورٹ پر منی لانڈرنگ کی کوشش ایک بار پھر ناکام

اے ایس ایف نے اسلام آباد ایئرپورٹ پر دمام جانے والے مسافر سے بھاری تعداد میں غیرملکی کرنسی برآمد کرکے منی لانڈرنگ کی کوشش ناکام بنادی۔

اے آر وائی نیوز کے مطابق اے ایس ایف نے اسلام آباد ایئرپورٹ پر منی لانڈرنگ کی کوشش ناکام بنادی۔

اے ایس ایف کے مطابق دمام جانے والے مسافر سے بڑی تعداد میں غیرملکی کرنسی برآمد کی گئی ہے۔

ملزم کو ابتدائی تفتیش کے بعد کسٹم حکام کے حوالے کردیا گیا۔

اے ایس ایف ذرائع کے مطابق برآمد کی گئی غیر ملکی کرنسی کی مقامی کرنسی میں مالیت ایک کروڑ روپے سے زائد ہے۔

واضح رہے کہ اے ایس ایف حکام نے گزشتہ ماہ بھی اسلام آباد ایئرپورٹ پر منی لانڈرنگ کی کوشش ناکام بنائی تھی۔

ایئرپورٹ سیکیورٹی فورس نے کارروائی کرتے ہوئے مسافر سے بھاری تعداد میں غیرملکی کرنسی برآمد کی تھی۔

محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

حیرت انگیز