The news is by your side.

Advertisement

لاہور ایئر پورٹ : منی لانڈرنگ کی کوشش ناکام، مسافر کے قبضے سے بھاری رقم برآمد

لاہور : ایئرپورٹ سیکیورٹی فورس (اے ایس ایف) نے علامہ اقبال انٹر نیشنل ایئرپورٹ پر کامیاب کارروائی کرتے ہوئے مسافر کے قبضے سے بھاری رقم برآمد کرکے منی لانڈرنگ کی کوشش کو ناکام بنادیا۔

اس حوالے سے اے ایس ایف ذرائع کا کہنا ہے کہ علامہ اقبال انٹر نیشنل ایئرپورٹ پر اے ایس ایف اہلکاروں نے کارروائی کرتے ہوئے مسافر محمد شریف کے قبضے سے بھاری تعداد میں غیر ملکی کرنسی برآمد کرلی.

مذکورہ مسافر غیر ملکی ایئرلائن کی پرواز ای وائی 242 کے ذریعے ابوظہبی جارہا تھا، اے ایس ایف نے مسافر کے سامان کی تلاشی لی تو 18ہزار50یورو برآمد کرلئے گئے۔

مسافر نے بیرون ملک روانگی سے قبل لاہور ایئرپورٹ پر قائم ڈکلیئریشن فارم بھی نہیں بھرا تھا اور نہ ہی کرنسی سے متعلق کسٹم کو آگاہ کیا تھا۔

قانون کے مطابق بیرون ملک جانے والے مسافر کو 10ہزار ڈالر یا اس سے مساوی رقم لے جانے کی اجازت ہے۔ اے ایس ایف نے مسافر محمد شریف کو کسٹم کے حوالے کردیا۔

بعد ازاں کسٹم نے مسافر سے کرنسی قبضے میں لے کر اسے جانے کی اجازت دے دی، مسافر غیر ملکی ایئرلائن کے کاؤنٹر پر پہنچا تو ایئرلائن نے تاخیر پر پہنچنے پر بورڈنگ پاس جاری کرنے سے انکار کردیا اور مسافر کو آف لوڈ کردیا گیا۔

Comments

comments

یہ بھی پڑھیں