The news is by your side.

Advertisement

پلاسٹک جار میں سر پھنسانے والی چھپکلی کو کیسے بچایا گیا؟

بھارت میں 4 فٹ طویل چھپکلی کا سر پلاسٹک جار میں پھنس گیا جس کے بعد اسے جان کے لالے پڑ گئے، تاہم وائلڈ لاف حکام کی بروقت کارروائی سے چھپکلی کی جان بچا لی گئی۔

بھارتی میڈیا کے مطابق یہ واقعہ آگرہ میں پیش آیا جہاں بڑی چھپکلی کی قسم مانیٹر لزرڈ کا سر ایک پلاسٹک جار میں پھنس گیا۔

شہریوں کا کہنا ہے کہ انہوں نے چھپکلی کو نالی میں دیکھا جہاں وہ اپنی جان بچانے کے لیے جدوجہد کر رہی تھی جس کے بعد شہریوں نے فوری طور پر وائلڈ لائف حکام کو اس کی اطلاع دی۔

وائلڈ لائف حکام نے موقع پر پہنچ کر چھپکلی کو تحویل میں لیا اور اسے بچانے کی کوشش شروع کردی۔

حکام کا کہنا ہے کہ پلاسٹک کی برنی نہایت سختی سے چھپکلی کی گردن میں پھنسی تھی اور زیادہ کھینچا تانی کرنے سے چھپکلی کو گہرے زخم آسکتے تھے، تاہم ان کی کوششوں اور محنت سے چھپکلی کو بحفاظت آزاد کیا گیا اور اس کی جان بچا لی گئی۔

وائلڈ لائف حکام کے مطابق آگرہ میں جنگل میں رہنے والے جانوروں اور حشرات کے شہر میں آجانے کے واقعات میں اضافہ ہورہا ہے تاہم وہ شہریوں کے شکر گزار ہیں کہ اس طرح کے واقعات کی اطلاع دے کر وہ جانوروں کی جان بچانے میں مدد کرتے ہیں۔

Comments

یہ بھی پڑھیں