آپ نے مختلف ویڈیوز میں بندروں کی شرارتوں پر مشتمل کلپس دیکھے ہوں گے جسے دیکھ کر آپ اپنی ہنسی یا مسکراہٹ پر قابو نہ پاسکے ہوں۔
لیکن اس بار ایک بندر نے ایسی حرکت کی کہ دیکھنے والے ہنسی سے لوٹ پوٹ ہوگئے، آپ نے بھی یہ بات نوٹ کی ہوگی کہ بندر ایک ایسا جانور ہے جو انسانی حرکات و سکنات کی نقل کرنے کی بھرپور صلاحیت رکھتا ہے۔
ایک ایسی ہی ویڈیو سوشل میڈیا پر خوب وائرل ہورہی ہے جس میں دیکھا جاسکتا ہے کہ ایک بندر حجام کی دکان پر پہنچ کر اپنی حرکت سے ظاہر کرتا ہے کہ اس کی گرومنگ کرکے حسین اور اسمارٹ بنا دیا جائے۔
اس پر مزید دلچسپ بات یہ کہ نائی نے بھی کوئی کسر نہ چھوڑی اور اسے کرسی پر بٹھا لیا، اور لگا اس کی حجامت اور تراش خراش کرنے۔
अब लग रहे SMART☺️☺️☺️👌👌👌
BEAUTY_PARLOUR☺️☺️😊@ParveenKaswan @susantananda3 @SudhaRamenIFS @NaveedIRS @arunbothra @TheJohnAbraham pic.twitter.com/lCiy0tmqN0
— Rupin Sharma IPS (@rupin1992) November 29, 2021
سوشل میڈیا پر اس ویڈیو کو سیکڑوں بار دیکھا اور شیئر کیا گیا، صارفین بھی بندر کی معصومانہ حرکت پر دلچسپ تبصرے کررہے ہیں۔
مذکورہ ویڈیو کو ٹوئٹر پرآئی پی ایس افسر روپن شرما نے شیئر کیا جس میں انہوں نے کیپشن لکھا کہ اب بندر نظر آئے گا۔ ویڈیو کو 1ہزار سے زیادہ ویوز مل چکے ہیں۔
ویڈیو میں دیکھا جا سکتا ہے کہ ایک بندر ہیئر ڈریسر کی کرسی پر اپنے کالر کے نیچے چادر لپیٹے بیٹھا ہے۔
پھر ایک حجام اس کے چہرے کے بالوں کو کنگھی کرتا ہے اور پھر الیکٹرک ٹریمر سے تراشتا ہے۔ بندر میاں کو بھی صبر سے شیو کرواتے اور حجام کے حکم پر عمل کرتے ہوئے بھی دیکھا جا سکتا ہے۔
