The news is by your side.

کراچی میں متوقع بارشیں : این اے 245 پر ضمنی الیکشن متاثر ہونے کا اندیشہ

کراچی : شہر قائد میں متوقع بارشوں کے باعث این اے 245 پر ضمنی الیکشن متاثر ہونے کا اندیشہ ہے، محکمہ موسمیات نے 15 سے 21اگست تک بارش کی پیش گوئی کی ہے۔

تفصیلات کے مطابق کراچی کی قومی اسمبلی کی نشست این اے 245 پر ضمنی انتخاب بارش سے متاثر ہونے کا اندیشہ ہے۔

اے آروائی نیوز براہِ راست دیکھیں live.arynews.tv پر

ڈسٹرکٹ ریٹرننگ آفیسر کو محکمہ موسمیات سے کراچی میں متوقع بارشوں کی رپورٹ موصول ہوئی ہے۔

محکمہ موسمیات نے خبردار کیا ہے کہ جس میں 15سے 21اگست کراچی میں مزید بارشیں ہوں گی۔

محکمہ موسمیات کی جانب سے الیکشن کمیشن کو مراسلے میں کہا ہے کہ 15اگست کو بارش کا60فیصد ، 16 سے 18 اگست تک تیز بارش کا 80فیصد امکان ہے۔

محکمہ موسمیات کا کہنا تھا کہ 19 سے 21 اگست تک کراچی میں ہلکی بارش متوقع ہے۔

خیال رہے کراچی کے حلقہ این اے 245 پر ضمنی انتخاب 21 اگست کو ہونا ہے ، ضمنی الیکشن کیلئے انتخابی سامان کی ترسیل 20اگست کو ہونی ہے۔

یاد رہے این اے 245 کی نشست پاکستان تحریک انصاف (پی ٹی آئی) کے ایم این اے ڈاکٹر عامر لیاقت حسین کے انتقال کے بعد خالی ہوئی تھی۔

واضح رہے کہ پاکستان تحریک انصاف (پی ٹی آئی) نے کراچی کے حلقہ این اے 245 کے ضمنی انتخاب کے لیے محمود مولوی کو اپنا امیدوار نامزد کیا تھا۔

Comments

یہ بھی پڑھیں