The news is by your side.

Advertisement

ملک بھر میں جاری مون سون بارشوں نے تباہی مچادی، 6 افراد جاں بحق

اسلام آباد : ملک میں جاری مون سون بارشوں نے مختلف شہروں میں تباہی مچادی، کئی علاقے زیر آب آگئے چھتیں اور دیواریں گرنے کے واقعات میں دو خواتین اور چار بچوں سمیت چھ افراد جاں بحق ہوگئے۔

تفصیلات کے مطابق ملک بھر میں مون سون کا دوسرا اسپیل بھی زور شور سے جاری ہے، کئی شہروں میں سیلابی صورتحال ہے، گوجرانوالہ میں بارش کے باعث متعدد علاقے پانی میں ڈوب گئے، چھتیں اور دیواریں گرنے کے مختلف واقعات میں دو خواتین اور چار بچوں سمیت چھ افراد جاں بحق اور چار زخمی ہو گئے۔

گجرات میں بادل جم کر برسے تو ہر طرف جھل تھل ہوگیا، برساتی پانی گاؤں میں داخل ہوگیا ، جس سے سینکٹروں افراد پانی میں محصور ہوگئے جبکہ جہلم میں طوفانی بارش سے نشیبی علاقے زیر آب آگئے۔

میانوالی میں بارش کا پانی انڈر پاس میں بھر جانے سے ٹریفک کی آمدورفت متاثر ہوگئی ، سیالکوٹ میں بارش کا پانی جمع ہونے سے سڑکیں اور گلیاں تالاب میں بدل گئیں۔

سرائے عالمگیر اورگ ردونواح میں بھی بارش خوب برسی، صوابی اور گردونواح میں موسلا دھاربارش کے بعد صورتحال خراب ہوگئی ، کئی کئی فٹ پانی جمع ہے جبکہ سیلابی پانی میں کچے مکانات بہہ گئے۔

محکمہ موسمیات کا کہنا ہے کہ آئندہ 24 گھنٹوں میں فاٹا، گلگت بلتستان اور جنوبی پنجاب میں کہیں کہیں تیز بارش کا امکان ہے، اس سے نشیبی علاقے زیر آب آنے کا خدشہ ہے جبکہ بارش کے بعد مالاکنڈ، ہزارہ ڈویژن، گلگت بلتستان اور کشمیر کے پہاڑی علاقوں میں لینڈ سلائیڈنگ کا بھی خدشہ بڑھ گیا ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email

Comments

comments

یہ بھی پڑھیں