site
stats
حیرت انگیز

فلوریڈا میں 15 فٹ لمبا قاتل مگرمچھ مارا گیا

اورلانڈو: امریکی ریاست فلوریڈا کے ایک فارم میں 780 پاؤنڈوزنی دیوہیکل مگرمچھ مارگرایا گیا، مگرمچھ اتنا بڑا تھا کہ اس کی لمبائی ناپنے کے لیے ٹریکٹر بھی کم پڑگیا۔

مقامی میڈیا کے مطابق جس مگر مچھ کو ہفتے کی رات فلوریڈا ایورگلیڈز کے نزدیک واقع فارم میں مارا گیا اس کیلمبائی لگ بھگ 15 فیٹ ہے۔

alligator 3
مگر مچھ کو جھیل میں بندوق سے مارا گیا اوراس کے بعد ٹریکٹر سے باندھ کرباہرنکالا گیا ہے۔

فارم مالکان کی ویب سائٹ کے مطابق 13 فٹ اوراس سے بڑا مگرمچھ مارنے کی قیمت 550 سے دس ہزار ڈالر کے لگ بھگ ہے۔

فارم انتظامیہ کے مطابق یہ مگر مچھ ان کے جانوروں کو اپنا نشانہ بنارہا تھا۔

alligator-post-1

فلوریڈا فش اینڈ وائلڈ لائف کمیشن کے مطابق وہ اس مگرمچھ کی پیمائش نہیں کریں گے کیونکہ اس سے کوئی نیا ریکارڈ قائم نہیں ہونے والا ہے، اب تک فلوریڈا میں پیمائش کیا گیا سب سے بڑا مگرمچھ ایک ہزار تینتالیس پاوؐنڈ وزنی اور 14 فٹ ساڑھے تین انچ لمبا ہے۔

مگر مچھ کے مارے جانے پرعلاقہ مکینوں نے خوشی کا اظہار کیا ہے ۔ ایک شخص کا کہنا تھا کہ اس مگرمچھ کی موجودگی نے مجھے بیمارکردیا تھا، ایک اور علاقہ مکین کے مطابق انہیں ہر وقت کے خوف سے نجات مل گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top