اسلام آباد : موڈیز نے پاکستان کاآؤٹ لک منفی سے مستحکم کردیا اور کہا پاکستان کے بڑے چیلنج کرنٹ اکاؤنٹ خسارے میں مزید بہتری ہوگی، مشیر خزانہ کا کہنا ہے کہ معاشی آؤٹ لک میں بہتری حکومتی کوششوں پراعتماد کا اظہار ہے۔
تفصیلات کے مطابق پاکستان کے لئے اچھی خبر آگئی ،معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا، موڈیزنے پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا۔
عالمی ریٹنگ ادارے کا کہنا ہے کہ اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔
دوسری جانب مشیر خزانہ ڈاکٹر عبد الحفیظ شیخ نے سماجی رابطے کی ویب سائٹ ٹوئٹر پر موڈیز کی رپورٹ کے حوالے سے کہا موڈیز نے پاکستان کا معاشی آؤٹ لک منفی سے بدل کر مستحکم کیا اور کریڈٹ ریٹنگ کی بی تھری کے طور پر نئے سرے سے تصدیق کی۔
مشیر خزانہ کا کہنا تھا معاشی آؤٹ لک میں بہتری حکومتی کوششوں پر اعتماد کا اظہار ہے، حکومت معاشی اصلاحات کے ایجنڈے پر گامزن رہے گی ، مستقبل میں تیز تر، پائیدار اور یکساں معاشی ترقی کو مضبوط بنیاد پر استوار کریں گے۔
Moody’s upgrades Pakistan’s outlook to B3 ‘Stable’ from ‘Negative’. The upgradation of outlook to Stable is affirmation of Government's success in stabilising the country’s economy and laying a firm foundation for robust long term growth.
— Dr. Abdul Hafeez Shaikh (@a_hafeezshaikh) December 2, 2019
وفاقی وزیر مرادسعید نے بھی ٹوئٹ میں کہا پاکستان معاشی اصلاحاتی ایجنڈے پر گامزن، معیشت استحکام کی جانب، موڈیز نے پاکستان کا معاشی آؤٹ لک منفی سے مستحکم کر دیا، ایک سال میں معیشت کو آئی سی یو سے نکالا گیا، اسٹاک ایکسچینج میں مسلسل تیزی اور ادارے خسارے سے نکلنے لگے، گردشی قرضوں میں کمی،برآمدات بڑھنے لگی اور انویسٹمنٹ آنے لگی، پاکستان زندہ باد!
پاکستان معاشی اصلاحاتی ایجنڈے پر گامزن، معیشت استحکام کی جانب۔
موڈیز نے پاکستان کا معاشی آوٹ لک منفی سے مستحکم کر دیا۔ایک سال میں معیشت کو آئ سی یوسے نکالا،اسٹاک ایکسچینج میں مسلسل تیزی،ادارےخسارےسےنکلنےلگے،گردشی قرضوں میں کمی،برآمدات بڑھنے لگے،انوسٹمنٹ آنے لگی
پاکستان زندہ باد— Murad Saeed (@MuradSaeedPTI) December 2, 2019
