اسلام آباد: موڈیز نے پاکستان کے امریکی ڈالر بانڈز کی درجہ بندی جاری کردی۔ موڈیز نے پاکستانی بانڈز کو بی 3 ریٹنگ دی ہے۔
عالمی ریٹنگز ایجسی موڈیز کے مطابق حالیہ برسوں میں پاکستان کے کریڈٹ پروفائل میں بہتری آئی ہے۔
موڈیز کا کہنا ہے کہ معیشت بحالی کی راہ پر گامزن ہے جس کی وجہ وہ معاشی اصلاحات ہیں جوکہ آئی ایم ایف پروگرام کے تحت شروع کی گئیں تھیں۔
موڈیز کا مزید کہنا ہے کہ سی پیک منصوبہ انفراسٹرکچر میں سرمایہ کاری میں اضافہ کا باعث بنے گا۔ اس کے علاوہ بجلی کی پیداوار بھی بڑھے گی۔
ریٹنگ ایجنسی کا کہنا ہے کہ ملکی معاشی شرح نمو میں اضافہ ہوا ہے تاہم قرضوں کے بوجھ، کم محصولات اور سیاسی عدم استحکام جیسے خطرات بھی لاحق ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
Comments
- Advertisement -
