کراچی : مون گارڈن کے متاثرین آج پراجیکٹ بلڈر کیخلاف دھوکہ دہی کی ایف آئی آر درج کرائیں گے۔
مون گارڈن کے مکین عدالت کی جانب سے اسٹے آرڈر ملنے پرگھروں کو واپس چلے گئے ،متاثرہ مکینوں نے بلڈر کیخلاف فراڈ اور جعل سازی کی ایف آئی آر درج کرنے کا فیصلہ کیا ہے اور ان کے وکلا آج بلڈر کیخلاف ایف آئی آر درج کرائیں گے.
یاد رہے کہ گزشتہ روز سندھ ہائی کورٹ نے مون گارڈن کے متاثرین کو عارضی ریلیف دے دیا، عدالت نے مون گارڈن کے تمام فریقین کو 18 نومبر کو طلب کرتے ہوئے بلڈر کو گرفتار کرنے اور آئی جی سندھ کو رپورٹ پیش کرنے کا حکم دیتے ہوئے کیس میں ملوث تمام اداروں کو نوٹسس جاری کردیئے، جب کہ پولیس کو مون گارڈن کیس سے متعلق 18 نومبر تک کارروائی سے روک دیاگیا ہے۔
واضح رہے کہ سندھ ہائیکورٹ نے دو روز قبل گلستان جوہر میں واقع ریلوے اراضی پر قائم مون گارڈن کے فلیٹس 24 گھنٹے میں خالی کرانے کے احکامات جاری کئے تھے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں