site
stats
سندھ

مون گارڈن کے مکینوں نے بلڈر کیخلاف مقدمے کی درخواست دیدی

کراچی : مون گارڈن کےمکینوں نے پراجیکٹ بلڈرکےخلاف مقدمےکےاندراج کیلئےدرخواست دے دی۔ تفصیلات کے مطابق کراچی کے علاقے گلستان جوہر میں متنازعہ رہائشی عمارت مون گارڈن کے مکینوں نے بلڈر کے خلاف مقدمے کی اندراج کی درخواست دے دی ہے۔

مقدمے کی درخواست شارع فیصل تھانے میں جمع کرائی گئی ہے۔ پولیس کے مطابق مقدمے کے اندراج کی درخواست موصول ہوگئی ہے.

بلڈر کے خلاف آج مقدمہ درج کیا جائے گا۔ بلڈر کے خلاف دھوکہ دہی اور جعلسازی کی دفعات کے تحت مقدمہ درج کیا جائے گا۔

یاد رہے کہ گزشتہ روز سندھ ہائی کورٹ نے مون گارڈن کے متاثرین کو عارضی ریلیف دے دیا تھا۔

عدالت نے مون گارڈن کے تمام فریقین کو 18 نومبر کو طلب کرتے ہوئے بلڈر کو گرفتار کرنے اور آئی جی سندھ کو رپورٹ پیش کرنے کا حکم دیتے ہوئے کیس میں ملوث تمام اداروں کو نوٹسز جاری کردیئے، جب کہ پولیس کو مون گارڈن کیس سے متعلق 18 نومبر تک کارروائی سے روک دیاگیا ہے۔

واضح رہے کہ سندھ ہائیکورٹ نے دو روز قبل گلستان جوہر میں واقع ریلوے اراضی پر قائم مون گارڈن کے فلیٹس 24 گھنٹے میں خالی کرانے کے احکامات جاری کئے تھے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top