چاند نظر نہیں آیا، یکم شعبان 18 اپریل اور شب برات یکم مئی کو ہوگی مفتی منیب الرحمان
The news is by your side.

Advertisement

چاند نظر نہیں آیا، یکم شعبان 18 اپریل اور شب برات یکم مئی کو ہوگی

کراچی : مرکزی رویت ہلال کمیٹی کے چئیرمین مفتی منیب الرحمان نے اعلان کیا ہے کہ ماہ شعبان کا چاند نظر نہیں آیا لہٰذا یکم شعبان18اپریل جبکہ شب برات یکم مئی کو منگل اور بدھ کی درمیانی شب ہوگی۔

تفصیلات کے مطابق مرکزی رویت ہلال کمیٹی کا اجلاس چیئرمین کمیٹی مفتی منیب الرحمان کی زیر صدارت کراچی میں ہوا، اجلاس میں ماہ شعبان المعظم کے چاند نظر آنے یا نہ آنے سے متعلق شہادتوں کا جائزہ لیا گیا۔

اجلاس کے اختتام پر مفتی منیب الرحمان نے باضابطہ اعلان کرتے ہوئے بتایا کہ ملک بھر سے ماہ شعبان المعظم کا چاند نظر آنے کی اب تک کوئی شہادت موصول نہیں ہوئی ہے لہٰذا یکم شعبان المعظم 1439ھ18اپریل بروز بدھ کو ہوگی۔

ان کا مزید کہنا تھا کہ شب برات یکم مئی کو منگل اور بدھ کی درمیانی شب ہوگی۔

اسلامی، ہجری یا قمری کلینڈرز میں شعبان آٹھواں مہینہ ہے، جسے شعبان المعظم بھی کہا جاتا ہے۔ رمضان المبارک کے بعد سب سے زیادہ روزے اسی ماہ میں رکھے جاتے ہیں۔

مزید پڑھیں: بخشش و مغفرت کی رات ’شبِ برات‘ کی اہمیت و فضیلت

بعض احادیث کے مطابق حضور نبی کریم پورے شعبان روزے رکھا کرتے تھے اور انہیں رمضان المبارک کے روزوں سے ملادیا کرتے تھے، اس ماہ کی پندرہویں رات کو شب برات آتی ہے جو بہت بابرکت رات ہے، جس میں فرزندان توحید رات بھر جاگ کر اپنے اللہ کو راضی کرنے کیلئے گناہوں سے توبہ کرتے ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

Comments

comments

یہ بھی پڑھیں