The news is by your side.

Advertisement

چاند نظر آگیا، یکم شعبان کل اور شب برات 11 مئی کو ہوگی

کراچی: مرکزی رویت ہلال کمیٹی نے شعبان المعظم کا چاند نظر آنے کا اعلان کردیا، شب برات 11 مئی کو جمعرات اور جمعے کی درمیانی شب کو ہوگی۔

تفصیلات کے مطابق شعبان المعظم 1438 ہجری کا چاند نظر آگیا، کل یکم شعبان المعظم ہوگی ۔

مرکزی رویت ہلال کمیٹی کے چیئرمین مفتی منیب الرحمان نےاجلاس کے بعد چاند نظر آنے کا اعلان کرتے ہوئے کہا ہے کہ یکم شعبان کل جمعہ 28 اپریل کو جب کہ 15 شعبان کی بابرکت رات یعنی شب برات 11 مئی کو جمعرات اور جمعہ کی درمیانی شب کو ہوگی۔

اسلامی، ہججری یا قمری کلینڈر میں شعبان آٹھواں مہینہ ہے، جسے شعبان المعظم بھی کہا جاتا ہے۔ رمضان المبارک کے بعد سب سے زیادہ روزے اسی ماہ میں رکھے جاتے ہیں۔

بعض احادیث کے مطابق حضور نبی کریم ﷺ پورے شعبان روزے رکھا کرتے تھے اور انہیں رمضان المبارک کے روزوں سے ملادیا کرتے تھے۔

اس ماہ کی پندرہویں رات کو شب برات آتی ہے جو بہت بابرکت رات ہے جس میں نئے سال کے لیے رزق، موت، پیدائش اور دیگر اہم معاملات سے متعلق حکم خداوندی سے فیصلے لکھے اور تبدیل کیے جاتے ہیں۔

Print Friendly, PDF & Email

Comments

comments

یہ بھی پڑھیں