چاند نظر آگیا، ملک بھر میں عید الفطر کل ہوگی -
The news is by your side.

Advertisement

چاند نظر آگیا، ملک بھر میں عید الفطر کل ہوگی

لاہور:شوال المکرم کا چاند نظر آگیا، کل بدھ کو ملک بھر میں عید الفطر منائی جائے گی، خلیجی ممالک میں بھی کل عید ہوگی، بنگلہ دیش اور بھارت میں چاند نظر نہیں آیا وہاں عید الفطر جمعرات کو ہوگی۔

عید الفطر کا اعلان مرکزی رویت ہلال کمیٹی نے کیا۔مرکزی رویت ہلال کمیٹی کا اجلاس لاہور میں ہائی کورٹ کے نزدیک منعقد ہوا، قبل ازیں یہ اجلاس کراچی میں ہوتا تھا تاہم اب پندرہ برس بعد یہ اجلاس لاہور میں منعقد ہوا۔

اجلاس کی صدارت مفتی منیب الرحمن نے کی اور شہادتوں کی بنیاد پر چاند نظر آنے کے بعد بدھ کو عید الفطر ہونے کا اعلان کیا۔

قبل ازیں محکمہ موسمیات نے کہا تھا کہ عید الفطر کے چاند کی پیدائش ہوچکی ہے، چاند نظر آنے کا قوی امکان ہے، چاند کی عمر 27 گھنٹے 51منٹ پر محیط ہوگی جسے غروب آفتاب کے بعد 36سے 40 منٹ تک دیکھا جاسکے گا۔

محکمہ موسمیات نے مزید کہا تھا کہ کراچی میں مطلع ابر آلود ہے اس لیے کراچی میں چاند نظر آنے کا امکان کم ہے۔

کراچی میں زونل رویت ہلال کمیٹی کے اجلاس کی صدارت مولانا اسد دیو بندی نے کی جب کہ محکمہ موسمیات، اسپارکو اور نیوی کے ماہرین نے معاونت کی۔

دریں اثنا خبر رساں ادارے کے مطابق بنگلہ دیش میں عید الفطر کا چاند نظر نہیں آیا جس کے بعد بنگلہ دیشی حکومت نے عید الفطر جمعرات کو منانے کا اعلان کردیا اسی طرح بھارت میں  نئی دہلی کی شاہی مسجد کے امام احمد بخاری نے  چاند نظر نہ آنے کا باقاعدہ اعلان کیا جس کے بعد وہاں بھی عید الفطر جمعرات کو ہوگی۔

Comments

comments

یہ بھی پڑھیں