The news is by your side.

Advertisement

ملک بھر میں ایک ساتھ رمضان کا آغاز، وفاقی مذہبی امور متحرک، صوبوں سے حمایت مانگ لی

اسلام آباد: ملک بھر میں رمضان المبارک  اور عید ایک ہی دن کروانے کے لیے وفاقی مذہبی امور  نے صوبائی سطح پر رابطے شروع کردیے تاکہ مسودے کے حق میں قراردادیں صوبائی سطح پر منظور کروائی جائیں اور پھر تیار کردہ مسودے کو  وفاقی کابینہ سے منظور کروا کے اسے قانونی شکل دی جائے۔

تفصیلات کے مطابق وزارتِ مذہبی امور رواں سال بھی رمضان المبارک اور عید ملک بھر میں ایک ساتھ منانے کے لیے سرگرم ہوگئے اور انہوں نے صوبوں سے قانونی حمایت مانگ لی۔

وزارتِ مذہبی امور برائے مذہبی بین ہم آہنگی نے رویت ہلال سے متعلق قانون سازی کا مسودہ تیار کرلیا۔ جس میں کہا گیا ہے کہ آئین کے تحت چاند کے لیے صوبائی اسمبلیوں سے قرارداد کی منظوری ضروری ہے۔

مسودے میں کہا گیا ہے کہ ’سندھ اسمبلی قانون سازی کے حق میں قرارداد منظور کرچکی ہے جبکہ دیگر صوبائی اسمبلیوں کو اب اس پر عمل درآمد کرنا ہوگا‘۔

ذرائع کے مطابق وفاقی وزیر مذہبی امور پیر نور الحق قادری نے حمایت کے لیے باقی صوبوں کے وزرائے اعلی کو خطوط جاری کر دئیے،صوبوں کی حمایت کے بعد رویت ہلال سے متعلق بل منظوری کے لیے وفاقی کابینہ کو بھیجا جائے گا۔ رویت ہلال پر موثر قانون سازی سے مذہبی تہواروں پر قومی ہم آہنگی کو فروغ ملے گا۔

یاد رہے کہ رمضان المبارک 1440 ہجری کا چاند دیکھنے کے لیے رویت ہلاک کمیٹی نے 5 مئی بروز اتوار اجلاس طلب کیا ہے، اگر چاند نظر آگیا تو پہلا روزہ 6 مئی ورنہ 7 مئی کو ہوگا۔

Comments

comments

یہ بھی پڑھیں