حائل: سعودی عرب میں بڑے پیمانے پر ہونی والی سعودائزیشن کے باعث غیرملکیوں کے لیے مملکت میں ملازمت کے دروازے آہستہ آہستہ بند ہونے لگے ہیں۔
تفصیلات کے مطابق سعودی عرب میں مختلف شعبوں میں پہلے ہی غیرملکیوں کے لیے ملازمت کی جگہ خارج کی جاچکی ہے۔ جبکہ اب سعودی شہر حائل میں بھی سعودائزیشن کی جائے گی جس کے نتیجے میں ہزاروں غیرملکی بےروزگار ہوجائیں گے۔
غیرملکی خبررساں ادارے کے مطابق گورنر حائل شہزادہ عبدالعزیز بن سعد بن عبدالعزیز کی سربراہی میں قائم اعلیٰ کمیٹی نے وزارت محنت کو سفارشات پیش کیں جس کو مدنظر رکھتے ہوئے سعودائزیشن کا اعلان کیا گیا۔
سعودی شہر حائل میں سعودائزیشن کا تناسب 50 سے 100 فیصد تک رکھا گیا ہے۔
سعودی عرب میں غیر ملکیوں کا ٹیکسی چلانا مشکل ہوگیا
وژن 2030 کے تحت سعودائزیشن کا مقصد ملک کے تمام ریجنز اور قصبوں میں سعودی شہریوں کو روزگار فراہم کرنا ہے۔ اس ضمن میں مختلف علاقوں کے حالات کو مدنظر رکھتے ہوئے سعودائزیشن کا تعین کیا جاتا ہے۔
حائل میں اسٹیٹ ایجنسی، انشورنس کمپنیوں کے ادارے، سفر و سیاحت، بیرون ملک سے افرادی قوت درآمد کرنے والے اداروں میں کم سے کم 70 فیصد سعودیوں کو متعین کیا جانا لازمی قرار دیا گیا ہے، مذکورہ شعبوں میں کوئی غیرملکی نہیں ہوگا۔
جبکہ ملازمت کے دیگر شعبوں میں 100 فیصد سعودیوں کی نمائندگی لازمی قرار دی گئی ہے۔
