لاہور: ترجمان پرائمری اینڈ سیکنڈری ہیلتھ کیئر پنجاب کا کہنا ہے کہ صوبے میں گزشتہ چوبیس گھنٹوں کے دوران کروناوائرس کے مزید 244 نئے کیسز رپورٹ ہوئے۔
تفصیلات کے مطابق پرائمری اینڈ سیکنڈری ہیلتھ کیئر پنجاب نے کرونا سے متعلق تازہ اعدادشمار جاری کردیے جس میں کہا گیا ہے کہ پنجاب میں کرونا وائرس کے 244نئے کیسز سامنے آئے ہیں۔
ترجمان کا کہنا ہے کہ سب سے زیادہ کیسز لاہور سے 129 رپورٹ ہوئے، جبکہ کرونا وائرس سے مزید7افراد کا انتقال ہوگیا جس کے بعد اموات کی کل تعداد2ہزار354ہوگئی ہے۔
دوسری جانب نیشنل کمانڈ اینڈ آپریشن سینٹر(این سی او سی) نے کہا ہے کہ گزشتہ چوبیس گھنٹوں کے دوران کروناوائرس کے 1 ہزار 78 نئے کیسز رپورٹ ہوئے اور 20 مریض انتقال کرگئے۔
ملک میں کرونا کے 1 ہزار 78 نئے کیسز رپورٹ، 20 مریض جاں بحق
نیشنل کمانڈ اینڈ آپریشن سینٹر نے پاکستان میں کرونا کیسز کے تازہ ترین اعداد وشمار جاری کردیے، جس میں کہا گیا ہے کہ 20 اموات کے بعد پاکستان میں کرونا سے انتقال کرنے والوں کی تعداد 6ہزار795 ہوگئی ہے۔
این سی او سی کے مطابق ملک میں24گھنٹے کے دوران32ہزار933کرونا ٹیسٹ کیے گئے۔
