لاہور: ترجمان پرائمری اینڈ سیکنڈری ہیلتھ کیئر پنجاب نے کہا ہے کہ صوبے میں کرونا کے 565 نئے کیسز رپورٹ ہوئے جس کے بعد مریضوں کی مجموعی تعداد 86556 ہوگئی ہے۔
تفصیلات کے مطابق پنجاب میں مصدقہ مریضوں کی تعداد86,556 ہو گئی، کروناوائرس سے21 مزید اموات ہوئیں جس کے بعد کل تعداد2006 ہوگئی، اب تک589,523ٹیسٹ کیے جاچکے ہیں۔
پنجاب میں کرونا وائرس کو شکست دینے والوں کی تعداد 55,175ہوگئی ہے۔
پاکستان میں کرونا وائرس کے کیسز کی تعداد ڈھائی لاکھ کے قریب پہنچ گئی
صوبے میں نئے کیسز رپورٹ ہونے کی صورت حال کچھ یوں ہیں، لاہور میں 281، ننکانہ5، قصور5، شیخوپورہ8، راولپنڈی52، چکوال1 اور گوجرانوالہ میں 12کیسز رپورٹ ہوئے۔
اسی طرح سیالکوٹ9، گجرات34، حافظ آباد4، منڈی بہاؤالدین 13، ملتان16، خانیوال11، فیصل آباد24، ٹوبہ5 اور رحیم یار خان میں 3کیسز سامنے آئے۔ سرگودھا 14، بہاولنگر2، بہاولپور12، لودھراں 3، ڈی جی خان14، مظفرگڑھ7، راجن پور 1، ساہیوال3، اوکاڑہ9 اورپاکپتن میں 15 مریض سامنے آئے ہیں۔
