کراچی میں مزید بارشوں کی پیش گوئی

کراچی: صوبہ سندھ کے دارالحکومت کراچی میں 9 ستمبر سے مزید بارشیں متوقع ہیں، مذکورہ اسپیل شہر میں 2 سے 3 روز رہنے کا امکان ہے۔

تفصیلات کے مطابق محکمہ موسمیات کا کہنا ہے کہ آج شہر میں لوکل ڈویلپمنٹ کی وجہ سے بارش ہوئی، اس وقت سینٹرل انڈیا میں لو پریشر ایریا موجود ہے۔

ڈائریکٹر میٹ کا کہنا تھا کہ لو پریشر ایریا کے اثرات آج رات کو مشرقی سندھ میں نظر آئیں گے۔

محکمہ موسمیات کے مطابق کراچی میں 9 ستمبر سے نئے اسپیل کا آغاز ہوگا، اس اسپیل میں گرج چمک کے ساتھ تیز بارشیں ہوسکتی ہیں۔

مذکورہ اسپیل 2 سے 3 روز رہنے کا امکان ہے۔

یاد رہے کہ کراچی میں یکم سے 4 ستمبر کے دوران وقفے وقفے سے موسلا دھار بارشیں ہوئی تھیں، بارشوں کے دوران مختلف حادثات میں کئی افراد کی ہلاکت بھی ہوئی جبکہ اس دوران کے الیکٹرک کا سسٹم بھی حسب معمول بیٹھ گیا۔

Comments