The news is by your side.

Advertisement

وفاقی وزیر مرادسعید نے ایک اور بڑی کامیابی حاصل کرلی

اسلام آباد : وفاقی وزیر مواصلات مراد سعید نے بڑی کامیابی حاصل کرتے ہوئے ریونیومیں66فیصدیعنی28ارب84 کروڑکااضافہ کیا جبکہ منصوبوں میں خورد برد کے 11 ارب 90 کروڑ روپے وصول کرلئے ۔

تفصیلات کے مطابق وزیراعظم کی قیادت میں اداروں میں بہتری کاسلسلہ جاری ہے، وزارت مواصلات نےڈیڑھ سالہ کارکردگی رپورٹ جاری کر دی ، جس میں این ایچ اے کے ریونیو میں 66 فیصد یعنی28 ارب 84 کروڑ کا اضافہ ہوا۔

رپورٹ کے مطابق وزارت مواصلات میں احتساب کاعمل جاری ہے ، احتساب کےعمل سے،11ارب 90 کروڑ رقم وصول کی گئی جبکہ وزارت مواصلات نےتمام منصوبےبروقت مکمل کر لئے ہیں۔

گذشتہ ماہ وزرات مواصلات نے ماہانہ کارکردگی رپورٹ جاری کی تھی ، جس میں این ایچ اے کے ریوینو میں  مسلسل اضافہ ریکارڈ کیا گیا۔

مزید پڑھیں : 17ماہ میں این ایچ اے کی آمدن میں27 ارب روپے سے زائد کا اضافہ

ماہانہ کارکردگی رپورٹ میں کہا گیا تھا کہ 17 ماہ میں اب تک این ایچ اے کی آمدن میں27 ارب 93 کروڑ 93 لاکھ اضافہ ہوا، ریونیو میں اضافہ سابق حکومت کی نسبت تقریبا 70 فیصد زیادہ ہے، جس بعد موجودہ حکومت میں کل ریونیو 65ارب 28 کروڑ 24 لاکھ ہوگیا ہے۔

رپورٹ کے مطابق احتساب کےعمل سے 12 کروڑ سے زائد کی رقم وصول کی گئی جبکہ سادگی مہم سے اخراجات میں 30 کروڑ روپے سے زائد کی کمی ہوئی اور غیر قانونی طور پر قبضےمیں لی گئی اربوں مالیت کی حکومتی زمین بھی واگزار کرائی گئی۔

ماہانہ کارکردگی رپورٹ میں کہا گیا تھا ادارے کو خود کفیل بنانے کےبزنس پلان پر بھی کام شروع کردیا ہے۔

اس سے قبل دسمبر 2019 میں بھی وزارت مواصلات کے ریونیو میں 24 ارب 42 کروڑ کا اضافہ ہوا تھا جبکہ بڑے منصوبوں میں خورد بردکے 11 ارب 90 کروڑ روپے وصول کئے گئے تھے اور کیسزکا ریکارڈ وزیراعظم کے انکوائری کمیشن اور نیب کو مہیا کر دیا گیا تھا۔

Comments

یہ بھی پڑھیں