تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ترکیہ اور شام میں تاریخ کے بدترین زلزلے نے قیامت ڈھا دی، اموات کی تعداد1500 سے تجاوز

انقرہ : ترکیہ اور شام میں شدید زلزلے نے بڑے پیمانے پر تباہی مچادی، جس کے نتیجے میں اموات کی تعداد 1500 سے تجاوز کرگئی۔

تفصیلات کے مطابق ترکیہ میں آج علی الصبح شدید زلزلہ آیا، جس کی شدت 7.8 ریکارڈ کی گئی۔

امریکی جیولوجیکل سروے نے بتایا کہ زلزلے کا مرکزترکیہ کا جنوب میں تھا، جس کی گہرائی چوبیس اعشاریہ ایک کلو میٹر تھی۔

زلزلے کے جھٹکے شام، یونان ،مصر، قبرص ، اردن ،لبنان، عراق جا رجیا اور آرمینیا میں بھی محسوس کئے گئے۔

ترک نائب صدر کے مطابق ترکیہ میں زلزلے سے اموات کی تعداد 1014 تک پہنچ چکی ہے اور 5500 سے زیادہ افراد زخمی ہیں۔

ملبے میں دبے افراد کی تلاش کیلئے ریسکیو ٹیموں کی امدادی سرگرمیاں جاری ہیں، اسپتال میں زخمیوں کی بڑی تعداد کی وجہ سے جگہ کم پڑگئی ہے۔

شام میں زلزلے سے سب سے زیادہ تباہی ہوئی اب تک 592 افراد جاں بحق اور800 سے زائد افراد زخمی ہوئے ہیں۔

ترک میڈیا کے مطابق کہ ترکیہ میں زلزلہ صبح 4 بجکر 17 منٹ پر آیا اور زلزلے کے جھٹکے ایک منٹ تک محسوس کئے گئے۔

ترکیہ میں زلزلے سے 35عمارتیں زمیں بوس ہوگئی اور 100 سے زائد کو نقصان پہنچا، شدید زلزے سے ترکیہ کے 10صوبے متاثر ہوئے ہیں۔

ترک وزیر داخلہ نے بتایا کہ ترکیہ میں زلزلے کے بعد سے اب تک32 آفٹرشاکس آ چکے ہیں۔

Comments

- Advertisement -