کراچی (2 جنوری 2026): سال نو کے موقع پر محکمہ تعلیم نے تعلیمی نظام کی بہتری کے لیے ریفارمز کے تحت 8 ہزار سے زائد نئے عہدوں کی منظوری دے دی۔
اے آر وائی نیوز کے مطابق سندھ میں تعلیمی نظام کی بہتری کے لیے نئے سال کے موقع پر محکمہ تعلیم نے اہم عہدوں پر ریفارمز کے تحت 8049 نئے عہدے قائم کر دیے ہیں۔
ان اصلاحات کے تحت تعلیمی سال 2026 کے لیے صوبہ بھر میں ہیڈ ماسٹرز کے نئے عہدے قائم کرنے کی منظوری دے دی گئی ہے۔
ان ریفارمز کے تحت گریڈ 20 کے چیف ہیڈ ماسٹرز کی 44 آسامیاں، گریڈ 19 کے سینئر ہیڈ ماسٹرز کی 593 آسامیوں کی منظوری دی گئی۔
اس کے علاوہ گریڈ 18 کے ہیڈ ماسٹر اور ہیڈ مسٹریس کی ایک ہزار 444 جب کہ گریڈ 17 کے ہیڈ ماسٹر اور ہیڈ مسٹریس کی پانچ ہزار 968 آسامیوں کی منظوری دی گئی۔
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں